Zimbabwe : Abanyarwanda n’Abanyekongo barasaba kwemererwa gusenga shitani

Zimbabwe : Abanyarwanda n’Abanyekongo barasaba kwemererwa gusenga shitani


Yanditswe kuya 3-02-2013 - Saa 12:50' na Ange de la Victoire Dusabemungu

Ubwo mu minsi yashize havugwaga iby’Umunyarwanda witwa Bizimana Théoneste wandikiye Leta ya Zimbabwe asaba uburenganzira bwo gutangiza risenga shitani, akaza gutabwa muri yombi kimwe n’abandi bari barariyobotse mu nkambi, no muri gereza bakomeje kuzamura ijwi basaba uburenganzira bwo kwemererwa gusenga imyuka mibi.

Abayobozi ba gereza yo muri Zimbabwe icumbikiye Abanyarwanda n’Abanyekongo bari barayobotse iyo dini ya shitani, barakibaza niba babarekura cyangwa baguma kubafunga.

Abafunzwe bo bagaragaza ko bazira ubusa kuko ari uburenganzira bwo gusenga uko bashatse.

George Lungange, umwe muri izo mfungwa, ati ”Bafite ubwoba bwo kutuburanisha kuko nta cyaha batubonaho, hano muri Zimbabwe umuntu afite uburenganzira bwo gusenga, natwe nibatureke dusenge shitani.”

Abayobozi ba gereza bavuga ko bashatse koherereza abo bagabo mu bihugu baturukamo, ntibyakunda kuko basanze bafite impapuro zibahesha uburenganzira bw’ubuhunzi.

Nk’uko NMG ibitangaza ngo abo basenga imyuka mibi bivugira ko baramutse barekuwe bazahita bashyira imbaraga mu gushaka abayoboke bashya ku isi hose.

Ubu icyo basaba mu gihe batararekurwa ni ibikoresho byo kuba bifashisha basenga, harimo sanduku itukura, urukero n’ibindi.

Ubuyobozi bwa gereza buravuga ko nta na kimwe bufitiye mu byo basaba.

Kanda hano usome ibindi byavuzwe kuri iyo dini ya shitani : http://www.igihe.com/amakuru/muri-afurika/umunyarwanda-agiye-kwirukanwa-muri-zimbabwe-kubera-gushaka-gushinga-idini-rya-shitani.html

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO