Kwamamaza

Polisi y’u Rwanda irashishikariza abo muri Côte d’Ivoire kwimakaza amahoro

Yanditswe kuya 15-04-2012 saa 17:21' na Olivier RUBIBI
     


Abapolisi b’u Rwanda baba mu butumwa bw’amahoro mu gihugu cya Côte d’Ivoire bakomeje gukangurira abaturage batuye iki gihugu ko bagomba kwicungira umutekano bakamenya ko aho uburenganzira bw’umwe burangirira ariho ubw’undi butangirira.
Amakuru dukesha urubuga rwa Polisi y’u Rwanda avuga ko muri Côte d’Ivoire hari abapolisi b’Abanyarwanda bagera ku munani abagabo bane n’abagore bane. Nk’uko bamwe mu bagize aya matsinda babitangaza ibikorwa byabo muri iki gihugu bishingiye ku kwigisha Abaturage ba Côte (...)

Abapolisi b’u Rwanda baba mu butumwa bw’amahoro mu gihugu cya Côte d’Ivoire bakomeje gukangurira abaturage batuye iki gihugu ko bagomba kwicungira umutekano bakamenya ko aho uburenganzira bw’umwe burangirira ariho ubw’undi butangirira.

Amakuru dukesha urubuga rwa Polisi y’u Rwanda avuga ko muri Côte d’Ivoire hari abapolisi b’Abanyarwanda bagera ku munani abagabo bane n’abagore bane. Nk’uko bamwe mu bagize aya matsinda babitangaza ibikorwa byabo muri iki gihugu bishingiye ku kwigisha Abaturage ba Côte d’Ivoire uburyo bagarura amahoro arambye mu gihugu cyabo.

IP. Jean Batiste Rucyahana yatangaje ko ibikorwa byabo ari ukwigisha ubumwe n’ubwiyunge Ati: “Ibyo dukora nta ntwaro twitwaza nk’uko abashinzwe umutekano babigenza, ahubwo twirirwa tuzenguruka ibice bitandukanye by’iki gihugu dusangira n’abaturage ba Côte d’Ivoire uko babana mu mahoro”.

AIP. Jean d’Arc Ndemera Mukandahiro nawe yatangaje ko ibikorwa byabo ari kimwe n’ibya bagenzi babo ariko akenshi bo bakaba bigisha abari n’abategarugori ba Côte d’Ivoire uburenganzira bwabo n’uburyo bakoresha ngo birinde aba bahohotera.

Ati: ”Mu biganiro byacu n’abari n’abategarugori ba Côte d’Ivoire tubigisha uburinganire bw’umwari n’umutegarugori n’uko bamenya uburenganzira bwabo.”

U Rwanda rufite Abapolisi 464 bakora ibikorwa byo kugarura amahoro mu bihugu 5 harimo; Sudani y’Amajyepfo, Haiti, Côte d’Ivoire, Liberiya ndetse no muri Sudani.

Polisi y'u Rwanda iri kumwe n'abaturage bo muri Côte d’Ivoire
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved