IGIHE.com > Amakuru > U Rwanda
Abahabwa serivisi zitanoze muri CHUK barasabwa  kubimenyesha

Abahabwa serivisi zitanoze muri CHUK barasabwa kubimenyesha


Yanditswe kuya 20-02-2013 - Saa 05:13' na James Habimana

Mu gihe bamwe mu barwayi bagana ibitaro bya CHUK bakomeza kuvuga ko bahabwa serivisi mbi na bamwe mu baganga, Ubuyobozi bw’ibi bitaro buratangaza ko ugize ikibazo, yashyireweho nimero zo guhamagara bityo akaba yarenganurwa.

Dr Hategekimana Théobald Umuyobozi Mukuru w’Ibitaro bya CHUK yagaragarije IGIHE nimero umuntu nyahamagaraho ari zo: 0788304005 na 0725216244, bityo ngo uzihagamaye wese akaba ashobora gufashwa uretse ko ngo n’ubusanzwe nomero ye, uyikeneye ashobora ku muhamagara kandi akamwitaba.

Dr Hategekimana kandi yakomeje atangariza IGHE ko ibi bibazo abarwayi bakunze kuvuga byo kutakirwa neza, akenshi ngo biterwa n’uko abantu benshi baturutse hirya no hino mu gihugu usanga baza kwivuriza hano, ari nabyo bituma abantu bavuga ko serivisi zaho ari mbi kandi ngo nyamara biterwa n’umubare munini.

Ku birebana n’uko abarwayi bavuga ko abaganga batabakira uko baje bakurikiranye, Dr Hategekimana yagize ati : “Ibi ntago aribyo, keretse iyo havutse ikibazo cy’abantu bakomeretse cyane, ubwo dukora ibishoboka tukacyira aba bantu kugira ngo bataducika, ari nabyo akenshi usanga ba bandi batarembye, rimwe na rimwe bavuga ko wenda twabirengagije.”

Yakomeje kandi avuga ko iyo hari abaganga bagaragaje imyitwarire mibi bahanwa, ariko abasaba kutagera kuri uru rwego ahubwo bakubahiriza inshingano zabo baba bararahiriye mbere yo kujya mu kazi.

Ibitaro Bikuru bya Kaminuza bya Kigali bifite ikibazo cy’abaganga bacye, nk’uko byatangajwe mu kiganiro n’abanyamakuru cyabaye umwaka ushize. Ibi biterwa n’ubwinshi bw’abarwayi babigana baba baturutse hirya no hino mu gihugu, ndetse n’ubucye bw’abaganga b’inzobere.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO