Kwamamaza

Guhinga ibigori mu mwanya w’amasaka byabaye ntakuka

Yanditswe kuya 20-02-2013 saa 05:44' na Isaie Mbonyinshuti
     


Ibi byongewe gushimangirwa na Minisitiri w’Ubuhinzi n’Ubworozi Dr karibata Agnes , ubwo yari mu Ntara y’Amajyaruguru mu nama ya Komite Mpuzabikorwa.
Muri iyi nama, Minisitiri Karibata yagarutse ku bijyanye no guhinga igifitiye umumaro abaturage benshi, aho kureba ibijyanye n’ibyifuzo bya bamwe, avuga ko icyemezo cyo guhinga ibigori mu mwanya w’amasaka kitasubirwaho.
N’ubwo intara y’Amajyaruguru iza ku isonga mu bijyanye no guhuza ubutaka, Minisitiri w’Ubuhinzi n’Ubworozi aravuga ko iyi (...)

Ibi byongewe gushimangirwa na Minisitiri w’Ubuhinzi n’Ubworozi Dr karibata Agnes , ubwo yari mu Ntara y’Amajyaruguru mu nama ya Komite Mpuzabikorwa.

Muri iyi nama, Minisitiri Karibata yagarutse ku bijyanye no guhinga igifitiye umumaro abaturage benshi, aho kureba ibijyanye n’ibyifuzo bya bamwe, avuga ko icyemezo cyo guhinga ibigori mu mwanya w’amasaka kitasubirwaho.

N’ubwo intara y’Amajyaruguru iza ku isonga mu bijyanye no guhuza ubutaka, Minisitiri w’Ubuhinzi n’Ubworozi aravuga ko iyi itaragera ku rugero rwifuzwa, bityo akabasaba gukomeza guteza imbere iyi gahunda kuri ubu igeze ku rugero rwa 55%.

Ibi minisitiri Karibata yabivuze kuri uyu wa Kabiri tariki 19 Gashyantare 2013, mu nama ya komite mpuzabikorwa y’intara y’Amajyaruguru, aho yagarutse ku bijyanye na gahunda yo guhuza ubutaka.

Yagize ati “kuva u Rwanda rwabaho twahingaga amasaka, gusa ntabwo twigeze twihaza mu biribwa ngo tube twavuga ko nta nzara irangwa mu gihugu nka nyuma ya 2007 ubwo twatangiraga guhinga ibigori”.

Minisitiri kandi yasabye abayobozi bo mu ntara y’Amajyaruguru kongera ibijyanye no gukoresha ifumbire, hagamijwe kongera umusaruro uturuka ku buhinzi, kugirango abaturage babashe kwihaza mu biribwa, no gusagurira amasoko.

Muri iyi nama yanitabiriwe na Minisitiri w’Ubuzima, hanagarutse ku bijyanye no gutanga ubwisungane mu kwivuza bikiri hasi muri iyi Ntara, ndetse no kunoza imirire, kuko byagaragaye ko iyi Ntara itaragera ku rugero rushimishije.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved