IGIHE.com > Amakuru > U Rwanda
Kigali : Abagera kuri 30% babangamiwe n’ingendo ndende z’amaguru

Kigali : Abagera kuri 30% babangamiwe n’ingendo ndende z’amaguru


Yanditswe kuya 20-02-2013 - Saa 06:02' na Emmanuel Kwizera

Ubushakashatsi bwakozwe n’Umujyi wa Kigali buvuga ko abagera kuri 30% bakora ingendo ndende n’amaguru kugira ngo bagere kuri tagisi. Abaturage nabo bategereje ko iki kibazo cyakemuka baraheba.

Nk’uko bitangazwa n’Umujyi wa Kigali, ngo ubu bushakashatsi bwakorewe hirya no hino muri Kigali bwasanze abagera kuri 30% bakora ingendo ndende n’amaguru kugira ngo bagere kuri tagisi, naho abagera kuri 27% muri Kigali bo ngo bakoresha byibuze iminota 20 kugira ngo bagere aho bafatira tagisi zibatwara.

Umujyi uvuga ko wafashe intumbero y’imyaka itanu mu gukemura iki kibazo, kuko ngo hazaba haramaze kubakwa imihanda izaba itunganyije neza ku kigereranyo cya 85%, hubatse imihanda myiza y’ibirometero 28 , gusana iyangiritse ku birometero 30, kwagura imihanda migari ku burebure bwa kilometero 17, hanatunganywe gare ya Nyabugogo ku buryo bwisumbuyeho n’ibindi.

Mu batandukanye baganiriye na IGIHE, batangaza ko baturuka ahantu hari imihanda ya kaburimbo ariko ko ngo nta modoka zibatwara ziyinyuramo.

Dushime Marie ubarizwa Kicukiro, hafi y’uruganda rwa Supa, n’ubwo aturiye umuhanda wa kaburimbo nti bumubuza kujya gutera kuri Rwandex kuko nta murongo wa tagisi uba aho atuye.

“Kuva mu rugo ngenda n’amaguru, kugira ngo ngere kuri tagisi bintwara iminota nka cumi n’itanu. Ikifuzo cyanjye ni uko ku muhanda uva Kicukiro ugana Rwandex hashakirwa ahantu imodoka ziva Kicukiro zigana Rwandex zihagarara kugira ngo zitware abagenzi.” Ibi ni ibitangazwa na Dushime.

Undi witwa Mugisha Mariette utuye i Kibagabaga, avuga ko aho atuye hari umuhanda wa kaburimbo ariko ngo nta modoka zibatwara zihagera i Kigabagaba, dore ko kugira ngo ajye gutegera muri gare ya Kimironko bimutwara iminota iri hagati ya 30 na 25 agenda n’amaguru.

Ibi kandi biravugwa mu gihe ubuyobozi bw’Umujyi wa Kigali bwashyiriyeho amasosiyeti atwara abantu ibyerekezo agomba gukoreramo, ariko ntacyo biracyemura kuri kiki kibazo kuko izo mudoka zitagera hose mu Mujyi wa Kigali.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO