IGIHE.com > Amakuru > U Rwanda

"Natewe ishema no kuba indege z’u Rwanda zaratabaye i Burundi"


Yanditswe kuya 28-01-2013 - Saa 18:04' na Karirima A. Ngarambe

Ubwo isoko rikuru ryo mu mujyi wa Bujumbura ryibasirwaga n’inkongi y’umuriro, indege z’u Rwanda zo mu bwoko bwa Kajugujugu zigatabara kugira ngo uwo muriro utangiza byinshi, Abarundi babyakiranye urugwiro ariko ku banyarwanda biba ishema n’icyubahiro.

Twagirumukiza Pascal ni umunyarwanda wari i Bujumbura. Ni umufotozi w’umwuga uba mu gihugu cya Sénégal wari mu ruzinduko i Burundi, atangaza ko yabaye nk’ukubiswe n’inkuba yumvise isoko rituranye n’aho acumbitse rigurumanye, ariko aterwa ishema no kubona indege z’u Rwanda zizimya uwo muriro.

Mu kiganiro na IGIHE, Twagirumukiza yatubwwiye ko ubwo twavuganaga umuriro wari umaze kuzima ariko abantu bari uruvunganzoka baza kureba ibyabaye.

Yakomeje adutangariza ko kuva yumvise isoko ririrmo gushya kandi rimwegereye agira ati «Mbere na mbere nababajwe n’uko gushya kwiryo soko. Maze kumva kuri Radio za hano mu Burundi ko u Rwanda ari rwo rurimo rufasha kuzimya n’indege za Kajugujugu, nahise numva nezerewe ngira ishema ryo kuba Umunyarwanda.»

Twagiramukiza akomeza adutangariza ko yantunguwe n’urwamo rw’ibyishimo rwavugijwe n’Abarundi bumvise ko indege irimo kubafasha ivuye mu Rwanda. Abarundi batuye muri ako gace ko barimo kwibaza impamvu inkongi z’umuriro zikomeje kugaragara kandi kenshi zikaba muri Week-End.

Ikindi ni uko abashinzwe kuzimya umuriro ku kibuga cy’indege ngo bashobora kuba badafite ibikoresho by’akazi. Hari kandi abitwaje iyo nkongi y’umuriro barasahura. Hashobora ngo kuba haguye abantu babiri kandi haribazwa niba ntababyihishe inyuma kubera inyungu zabo.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO