Kwamamaza

Ni iki gituma Abanyarwanda badahahira ku isoko ry’ubukorikori nyarwanda cyane?

Yanditswe kuya 21-02-2013 saa 09:58' na Emmanuel Kwizera
     


Abacuruza ibiva ku bukorikori nyarwanda, bavuga ko abanyamahanga ari bo babahahira kurusha Abanyarwanda bakavuga ko Abanyarwanda bo babigura mu gihe cy’ubukwe.
Muri ibyo bicuruzwa hirimo ibibazwa mu biti, ibibohwa mu birere. Ngo bigurwa gake n’Abanyarwanda, icyakora ngo uko imyaka igenda ikurikirana ni ko Abanyarwanda bagenda biyongera.
Ngendahimana Pierre Claver, amaze imyaka itanu imitako mu isoko rya Kimironko. Ati “Abanyarwanda bakunze kugura mu gihe cy’amakwe (Ubukwe) na bwo bishakira (...)

Abacuruza ibiva ku bukorikori nyarwanda, bavuga ko abanyamahanga ari bo babahahira kurusha Abanyarwanda bakavuga ko Abanyarwanda bo babigura mu gihe cy’ubukwe.

Ibicuruzwa nk'ibi bikorwa n'Abanyarwanda ariko usanga ku isoko ryo mu Rwanda byitabirwa n'abanyamahanga cyane

Muri ibyo bicuruzwa hirimo ibibazwa mu biti, ibibohwa mu birere. Ngo bigurwa gake n’Abanyarwanda, icyakora ngo uko imyaka igenda ikurikirana ni ko Abanyarwanda bagenda biyongera.

Ngendahimana Pierre Claver, amaze imyaka itanu imitako mu isoko rya Kimironko. Ati “Abanyarwanda bakunze kugura mu gihe cy’amakwe (Ubukwe) na bwo bishakira nk’ibiseke, inkongoro n’ibindi bijyanye n’ubukwe gusa.”

Ibi kandi abihuriyeho n’umubyeyi witwa Gloriose, uvuga ko n’Abanyarwanda baje kugura ibikomoka ku bukorikori nyarwanda baba biganjemo abakobwa gusa na bo bakibanda ku maherena, udusimba dukoze mu myenda y’ibitenge nk’inzovu, impala n’utundi.

Gusa uyu muco wo kudateza imbere ibikorerwa mu Rwanda si mwiza, nk’uko Uwera Angella twasanze mu isoko aje kugura imitako abivuga. Akangurira Abanyarwanda gukunda imitako ikorerwa iwabo, ati “Ubu nguze ingagi eshatu zo gutaka ku kabati ko mu rugo, naguze n’amaherena n’uduseke. Nkunda imitako nk’iyi ikorwa n’Abanyarwanda. Buri wese akwiriye kujya agura ibintu nk’ibi biva mu maboko y’abari i Huye, i Gasabo, Iburengerazuba n’ahandi hakorerwa ibi binyabugeni.”

Abanyarwanda bahaha akenshi ibyo bakoresha mu bukwe

Mu Rwanda haba ibintu byinshi bikorwa mu bugeni bw’Abanyarwanda, ariko ugasanga aho bicuruzwa icyo uhasanze mu kwezi kwa mbere wongera ukabihasanga mu kwa 12. Birakwiye rero ko Abanyarwanda bumva ko ibikoresho by’ubukorikori nyarwanda ari nk’ibikomoka mu mahanga, na cyane ko n’ibikorerwa mu Rwanda bivamo impano nziza.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved