Kwamamaza

Nyagatare: Konti zitumye bamara umwaka batarabona inyishyu ku byangijwe na EWSA

Yanditswe kuya 21-02-2013 saa 07:32' na IGIHE
     


Mu gihe abaturage bangirijwe ibikorwa mu mirimo yo kubaka umuyoboro w’amashanyarazi uyageza mu Kagari ka Kagitumba bavuga ko umwaka ushize badahabwa ingurane bemerewe n’ikigo gishinzwe amashanyarazi, amazi n’isuku mu Rwanda EWSA, ubuyobozi bw’iki kigo ishami rya Nyagatare buvuga ko amafaranga ahari ahubwo bwabuze nomero za konti z’abagomba guhabwa ingurane kugira ngo bishyurwe.
Uyu muyoboro wageze mu Murenge wa Matimba mu mwaka wa 2010. Kuva icyo gihe abaturage bangirijwe ibikorwa mu ishyirwaho (...)

Mu gihe abaturage bangirijwe ibikorwa mu mirimo yo kubaka umuyoboro w’amashanyarazi uyageza mu Kagari ka Kagitumba bavuga ko umwaka ushize badahabwa ingurane bemerewe n’ikigo gishinzwe amashanyarazi, amazi n’isuku mu Rwanda EWSA, ubuyobozi bw’iki kigo ishami rya Nyagatare buvuga ko amafaranga ahari ahubwo bwabuze nomero za konti z’abagomba guhabwa ingurane kugira ngo bishyurwe.

Uyu muyoboro wageze mu Murenge wa Matimba mu mwaka wa 2010. Kuva icyo gihe abaturage bangirijwe ibikorwa mu ishyirwaho ryawo ntibarishyurwa. Abo mu midugudu ya Matimba ya gatandatu n’iya karindwi twaganiriye bavuga ko hashize umwaka beretswe ibyo babariwe ndetse bagatanga nimero za konti ku mukozi w’Umurenge wa Matimba ushinzwe ubuhinzi ari na we wafatanyije n’abakoraga uwo muyoboro kubarura ibyangijwe, ariko ngo kugeza ubu ntibarishyurwa.

Kuba bamaze igihe bategereje ubwishyu ku bikorwa byabo byangijwe, umuyobozi w’ishami rya EWSA muri Nyagatare Kanamugire Védaste; avuga ko bagitegereje guhabwa nomero za konti ya buri muturage wabariwe kugira ngo yishyurwe kuko amafaranga ahari. Ngo bandikiye akarere bagasaba kubaha urutonde rwa konti z’abaturage bangirijwe ibikorwa byabo, ariko ngo ntibarazibona kandi ngo amafaranga ntagica kuri konti y’akarere.

Uretse abaturage basaba ingurane ku bikorwa byabo byangijwe, Kagina Joseph we arasaba kwimurwa aho atuye kubera impungenge z’insinga z’umuriro zica hejuru y’inzu ye ndetse akaba atemerewe kubaka munsi yazo.

Uyu muturage yanandikiye Minisitiri w’Ibikorwa Remezo ku wa 22 Werurwe 2011 agaragaza impungenge z’izi nsinga, aza kuzimarwa mu ibaruwa yashubijwe ku wa gatandatu Gicurasi 2011 nyuma ya raporo y’umukozi w’iyi minisiteri yagaragaza ko umwanya wagombaga gusigara hagati y’inzu n’insinga urengeje uteganijwe.

Ku kuba yaba atemerewe kubaka, umuyobozi wa EWSA ishami rya Nyagatare yemeza ko yabikora ariko akirinda kuzamura inzu hejuru cyane asatira insinga.

Ni inkuru dukesha ORINFOR

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved