U Rwanda ku mwanya wa mbere mu bikorwa by’isuku muri Afurika

Yanditswe na Nsabimana Emile
Kuya 20 Gashyantare 2013 saa 08:19
Yasuwe :
0 0

Raporo yakozwe n’umushinga WaterAid, igaragaza u Rwanda nk’igihugu cya mbere mu kugira isuku haba mu karere ruherereyemo no ku mugabane wa Afurika.
Iyi raporo ifite umutwe ugira uti “Gukomeza amasezerano: Impamvu abayobozi ba Afurika bakwiye gutanga kuri gahunda z’amazi n’isuku”, igaragaza ko gahunda zo kongera kwiyubaka nyuma ya Jenoside yakorewe abatutsi mu Rwanda zibanze ku kugira ubwiherero bukoze mu buryo buteye imbere ku nkunga ya Leta, abaterankunga n’imiryango itegamiye kuri leta.
Iyi (...)

Raporo yakozwe n’umushinga WaterAid, igaragaza u Rwanda nk’igihugu cya mbere mu kugira isuku haba mu karere ruherereyemo no ku mugabane wa Afurika.

Iyi raporo ifite umutwe ugira uti “Gukomeza amasezerano: Impamvu abayobozi ba Afurika bakwiye gutanga kuri gahunda z’amazi n’isuku”, igaragaza ko gahunda zo kongera kwiyubaka nyuma ya Jenoside yakorewe abatutsi mu Rwanda zibanze ku kugira ubwiherero bukoze mu buryo buteye imbere ku nkunga ya Leta, abaterankunga n’imiryango itegamiye kuri leta.

Kandagira ukarabe, bumwe mu buryo bukoreshwa mu kugira isuku mu Rwanda

Iyi raporo igaragaza ko 74.5% by’Abanyarwanda babasha kubona amazi nta nzitizi bahuye na yo. Igaragaza kandi ko u Rwanda rwabashije guhangana n’ibindi bihugu bya Afurika mu guteza imbere ibikorwa byo kwegereza amazi abaturage mu myaka igera kuri 15 ishize, kandi bikagira impinduka zigaragara.

Ikigaragara ni uko “Ibi byagize uruhare rufatika mu kongera ibikorwa by’isuku mu gihugu, ku buryo abantu miliyoni imwe n’igice bagezweho n’ibikorwa by’isuku hagati y’umwaka w’1995 n’2000” nk’uko ikinyamakuru the New Times kibigaragaza.

Iyi raporo ishingiye ku buryo ibihugu bya Afurika bigeza ibikorwa by’isuku ku baturage babyo. Yakorewe ku bihugu by’u Rwanda, Ghana, Niger, Sierra Leone na Uganda.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza