Kwamamaza

Amarembo arakinguye ku bagizwe abere n’Urukiko rw’Arusha-Karugarama

Yanditswe kuya 20-02-2013 saa 15:50' na James Habimana
     


Minisitiri w’ubutabera, Tharcisse Karugarama, yatangarije ubuyobozi bw’Urukiko Mpuzamahanga rwashyiriweho u Rwanda rukorera Arusha (ICTR), ko u Rwanda rwiteguriye kwakira abagizwe abere mu kubaha ibyemezo by’Urukiko. Karugarama yagaragaje ko abagizwe abere i Arusha bazakirwa mu biganiro yagiranye na Bongani Majola, umwanditsi mukuru wungirije mu rukiko rwa ICTR wari i Kigali ku wa 20 Gashyantare 2013.
Karugagara yatangaje ko Mugenzi Justin na Mugiraneza Prosper bagizwe abere, u Rwanda (...)

Minisitiri w’ubutabera, Tharcisse Karugarama, yatangarije ubuyobozi bw’Urukiko Mpuzamahanga rwashyiriweho u Rwanda rukorera Arusha (ICTR), ko u Rwanda rwiteguriye kwakira abagizwe abere mu kubaha ibyemezo by’Urukiko.
Karugarama yagaragaje ko abagizwe abere i Arusha bazakirwa mu biganiro yagiranye na Bongani Majola, umwanditsi mukuru wungirije mu rukiko rwa ICTR wari i Kigali ku wa 20 Gashyantare 2013.

Karugagara yatangaje ko Mugenzi Justin na Mugiraneza Prosper bagizwe abere, u Rwanda rwahungabanyijwe n’icyo cyemezo ariko rubu guruiye amarembo, ati “Nta kundi twabigeza kuko tugomba kubaha icyo urukiko rwemeje.”

Usibye Mugenzi na Mugiraneza, Minisitiri Karugarama yavuze ko n’abandi bagizwe abere n’Urukiko rwa Arusha bakajya gushaka ubuhungiro mu bindi bihugu u Rwanda nabo baje bakwakirwa, ati“Aba bantu bagizwe abere n’uru rukiko bashatse baza bagatura mu Rwanda, kuko n’abagizwe abere n’inkiko Gacaca ubu barimo kwiyubakira igihugu kandi igihugu cyarabakiriye.”

Bongani Majola yatangaje ko we yaje mu Rwanda kugira ngo ubufatanye busanzwe hagati ya Leta y’u Rwanda n’Urukiko rwa Arusha bukomeze kunozwa, ubu na nyuma y’uyu mwaka wa 2014 ubwo imanza Urukiko rwa Arusha rusigaranye zitaraburanishwa ruzazohereza mu Rwanda.

Minisitiri Tharcisse Karugarama na Bongani Majola, umwanditsi mukuru wungirije w'Urukiko rwa Arusha

Agaruka ku kibazo cy’Abanyarwanda bajyanwe mu bihugu nk’u Bufaransa kuhaburanishirizwa ariko ntibikorwe vuba, Majola yatangaje ko usanga u Bufaransa nta bushake bugira bwo kubarinisha abo bwakiriye, ariko avuga ko ubuyobozi bw’Urukiko rwa Arusha bwagiyeyo gusaba ko baburanishwa; mu minsi mike bikaba bigiye gukorwa nk’uko ngo babyumvikanyeho.

U Rwanda kandi rwongeye kugaragaza icyifuzo ko zimwe mu mpapuro zakoreshejwe mu gihe cy’iburanisha mu rukiko rwa Arusha, zazanwa mu Rwanda nk’amwe mateka yazajya yibukirwaho bimwe mu byaranze Jenoside yakorewe Abatutsi mu 1994.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved