Kwamamaza

Undi mukobwa bivugwa ko yakoraga uburaya yishwe

Yanditswe kuya 19-02-2013 saa 20:55' na IGIHE


Nubwo ubwicanyi bwigeze kwibasira bamwe mu bakoraga umwuga w’uburaya butari bukivugwaho muri iyi minsi ya vuba, ku wa mbere w’iki cyumweru uwitwaga Gahongayire Julienne wo mu Murenge wa Rwezamenyo mu Karere ka Nyarugenge na we bivugwa ko yakoraga uburaya yarishwe anakatwa bimwe mu bice by’umubiri.
Uyu mukobwa uri mu kigero cy’imyaka iri hagati ya 20 na 25 ngo yasanzwe n’abantu ahazwi ku izina ryo kwa Mutwe, bamuvana mu kabari nk’abantu baziranye bajyana iwe nyuma haza kumenyekana inkuru y’uko (...)

Nubwo ubwicanyi bwigeze kwibasira bamwe mu bakoraga umwuga w’uburaya butari bukivugwaho muri iyi minsi ya vuba, ku wa mbere w’iki cyumweru uwitwaga Gahongayire Julienne wo mu Murenge wa Rwezamenyo mu Karere ka Nyarugenge na we bivugwa ko yakoraga uburaya yarishwe anakatwa bimwe mu bice by’umubiri.

Uyu mukobwa uri mu kigero cy’imyaka iri hagati ya 20 na 25 ngo yasanzwe n’abantu ahazwi ku izina ryo kwa Mutwe, bamuvana mu kabari nk’abantu baziranye bajyana iwe nyuma haza kumenyekana inkuru y’uko yapfuye.

Mu babonye umurambo w’uyu mukobwa ngo yari yanogowemo amaso n’ururimi, ndetse ngo yari yanakaswe imyanya ndangagitsina ye.

Polisi iratangaza ko kugeza ubu hamaze gufatwa umuntu umwe ukekwaho uruhare muri ubu bwicanyi, ibi bikaba byatangajwe n’umuvugizi wa Polisi y’u Rwanda Spt Badege Theos mu kiganiro yagiranye na Radio Rwanda dukesha iyi nkuru.

Umuvugizi wa Polisi yavuze ko Gahongayire wakomokaga mu Murenge wa Rusatira mu Karere ka Huye abamwishe bamukuyeho bimwe mu bice by’umubiri , ibikorwa yise “ibikorwa by’agashinyaguro” .

Polisi ivuga ko hagikomeje iperereza ku baba bari inyuma y’urupfu rwa Gahongayire.

Abakora umwuga w’uburaya bigeze kwibasirwa mu mwaka ushize wa 2012, aho abasaba 15 bishwe mu gihe cy’amaze atatu gusa. Ariko kuva aho Polisi ifatiye bamwe mu bakekwagaho uruhare muri ibi bikorwa byari bimaze igihe nta hantu byumvikana.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 11 August 2016
Copyright © 2009 -2014 - IGIHE Ltd - All Rights Reserved