Kwamamaza

Abagore bakora itangazamakuru bemeza ko bamaze kugera kuri byinshi

Yanditswe kuya 19-11-2012 saa 14:43' na Richard Irakoze
     


Ubwo ku wa 18 Ugushyingo 2012 basozaga amahugurwa barimo, abagize ishyirahamwe ry’ababagore bakora umwuga w’itangazamakuru (Association Rwandaise des Femmes des Médias-ARFEM) bishimiye ko hari byinshi bamaze kugeraho birimo kwihangira imishinga.
Umuhuzabikorwa w’Umushinga ushinzwe guteza imbere itangazamakuru muri RGB, Kabagambe Ignatius, yashimiye ARFEM intambwe bamaze gutera. Yavuze ko ARFEM ari rimwe mu mashyirahamwe y’abanyamakuru akora neza kuri gahunda kandi yizewe.
Kabagambe yabasabye (...)

Ubwo ku wa 18 Ugushyingo 2012 basozaga amahugurwa barimo, abagize ishyirahamwe ry’ababagore bakora umwuga w’itangazamakuru (Association Rwandaise des Femmes des Médias-ARFEM) bishimiye ko hari byinshi bamaze kugeraho birimo kwihangira imishinga.

Umuhuzabikorwa w’Umushinga ushinzwe guteza imbere itangazamakuru muri RGB, Kabagambe Ignatius, yashimiye ARFEM intambwe bamaze gutera. Yavuze ko ARFEM ari rimwe mu mashyirahamwe y’abanyamakuru akora neza kuri gahunda kandi yizewe.

Kabagambe yabasabye kongera imishinga ibateza imbere, bityo bagacika ku kurambiriza ku nkunga.

Mbabazi Faith, umuyobozi wa ARFEM, yagaragaje byinshi mu bikorwa bamaze kugeraho. Ati “Kera ARFEM nta mushinga n’umwe yagiraga wo gufasha abanyamuryango, ariko ubu twatangije imishinga myiza itanu icyarimwe kandi abafatanyabikorwa n’abanyamuryango barabyishimira.”

Mbabazi yasobanuye kandi ko ARFEM bamaze kurenga imbibi z’u Rwanda mu mikoranire n’andi mashyirahamwe n’imiryango, harimo nk’ishyirahamwe ry’abanyamakuru bo muri Kenya (AMWIK), abo mu Burundi (AFJO), muri Repubulika Iharanira Demokarasi ya Congo (ARFEM-Sud Kivu.

ARFEM yashinzwe mu 1995 nyuma y’amasezerano ya Beijing. ARFEM bagamije kongerera imbaraga n’ubushobozi abagore bakora umwuga w’itangazamakuru.

Aya mahugurwa bayahabwaga n’ikigo gishinzwe iby’imiyoborere mu Rwanda RGB.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved