IGIHE.com > Amakuru > U Rwanda
Abagore n’abana ni bo bibanzweho ku munsi w’ubwiherero (Toilet)

Abagore n’abana ni bo bibanzweho ku munsi w’ubwiherero (Toilet)


Yanditswe kuya 19-11-2012 - Saa 15:42' na Ange de la Victoire Dusabemungu

Kuri uyu wa 19 Ugushyingo ubwo isi yose yizihiza umunsi w’ubwiherero “World Toilet Day”, imiryango mpuzamahanga iharanira ubuzima bwiza bwa muntu iravuga ko uyu munsi uri bwibande cyane cyane ku bagore n’abana kuko ari bo bakunze guhura n’ingaruka mbi z’imikoreshereze y’ubwiherero.

Uyu munsi ukaba waratangiye kwizihizwa mu mwaka wa 2011 hagamijwe kwita ku isuku y’ubwiherero mu rwego rwo kubungabunga amagara ya muntu.

Umuryango w’abibumbye uvuga ko byibuze miliyoni ebyiri n’ibihumbi maganarindwi by’abantu bapfa ku isi baba bazira indwara zikomoka ku mwanda muribo 2000 by’abana bapfa buri munsi bazira umwanda.

Mu mujyi wa Kigali nka hamwe mu hakorerwa ingendo nyinshi ngo ikibazo cy’ubwiherero kiracyari ingutu n’ubwo hari byinshi bikorwa ngo haboneke ubwiherero rusange dore ko ahanini usanga bufite isuku kurusha ububoneka mu ngo z’abantu.

Muhawe yabwiye IGIHE ati “Twe abahungu turabishaka tukihengeka ahantu ducungana n’uko baduhana, naho se abakobwa bo ubona bitababangamira cyane, ikibazo cy’ubwiherero gikwiye kwitabwaho cyane cyane muri uyu Mujyi kuko uba urimo abantu benshi.”

Ubwo yaganiraga na IGIHE, Mugabo ushinzwe isuku mu mujyi wa Kigali yavuze ko ikibazo gikurikiranywa kandi ko biri no mu nshingano z’uturere tugize Umujyi wa Kigali.

Ati “Hari gahunda yo kubaka ubwiherero rusange ahantu hahurira Bantu benshi mu masoko, ahategerwa imodoka n’ahandi.”

Yavuze ko i Gasabo byatangiye no ku Gisozi aho bahereye mu masoko yose.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO