Abanyamadini barasabwa kwigisha ubwiyunge kuko bamwe mu bashumba babaye ibirura

Yanditswe na Rene Anthere Rwanyange
Kuya 12 Mata 2013 saa 11:40
Yasuwe :
0 0

Mu biganiro n’abanyamadini, Komisiyo y’Igihugu y’Ubumwe n’Ubwiyunge yabasabye kurwanya Jenoside yakorewe Abatutsi n’ingengabitekerezo yayo, no gufatanya kubaka imitima no gufasha abanyarwanda kubana mu bumwe n’ubwiyunge binyuze mu ijambo ry’Imana.
Uwimana Xaverine Visi Perezida wa Komisiyo y’Igihugu y’Ubumwe n’Ubwiyunge, yagarutse ku ruhare rw’amadini muri Jenoside yakorewe Abatutsi, agira ati “Intama zimwe zabaye ibirura zirya izindi, abashumba bamwe bahinduka abashimusi, bashimuta intama (...)

Mu biganiro n’abanyamadini, Komisiyo y’Igihugu y’Ubumwe n’Ubwiyunge yabasabye kurwanya Jenoside yakorewe Abatutsi n’ingengabitekerezo yayo, no gufatanya kubaka imitima no gufasha abanyarwanda kubana mu bumwe n’ubwiyunge binyuze mu ijambo ry’Imana.

Uwimana Xaverine Visi Perezida wa Komisiyo y’Igihugu y’Ubumwe n’Ubwiyunge, yagarutse ku ruhare rw’amadini muri Jenoside yakorewe Abatutsi, agira ati “Intama zimwe zabaye ibirura zirya izindi, abashumba bamwe bahinduka abashimusi, bashimuta intama n’abandi bashumba mu gihe cya Jenoside yakorewe Abatutsi.”

Uwimana yasabye abo banyamadini kugira uruhare mu komora ibikomere by’amateka ya Jenoside yakorewe Abatutsi kuko “yakomerekeje benshi”. Ati “Abarokotse Jenoside yakorewe Abatutsi bemeye gutanga imbabazi nta n’uzibasabye. Ese ni uruhe ruhare mwagize kugira ngo uwatse imbabazi abe yarazatse abikuye ku mutima? Ni uruhe ruhare mugira mu kubafasha kwiyunga?”

Uwimana Xaverine Visi Perezida wa Komisiyo y’Igihugu y’Ubumwe n’Ubwiyunge

Uwimana yagarutse ku mbogamizi yo kutishyura imitungo ku bayangije, maze asaba abanyamadini kubashishikariza gusaba imbabazi no gusana ibyo bangije.

Yababwiye ati “Harabura iki ko mufite urufunguzo? harabura kurucengeza muri serire rugafungura (bisobanura kubaha ubutumwa bwiza kubashishikariza kwihana, gusaba imbabazi, kuzitanga no kwishyura imitungo Abanyarwanda bakabaho biyunze), mukanafasha muri Politiki y’igihugu mubinyujije mu ijambo ry’Imana.”

Ibi biganiro byari byitabiriwe n’abahagarariye amadini basanga mirongo itanu, harimo Angilikani, Abadivantisiti b’Umunsi wa Karindwi, Abapantekoti n’Abayisilamu.

Bamwe mu banyamadini bafashe ijambo, bemeza ko bagiye kwigisha abayoboke babo uburyo bwo kubabarira no kubana mu bwiyunge.

Pasiteri Gahigi wo mu Itorero ry’Abangirikani mu Karere ka Bugesera yagize ati “Abanyarwanda bakwiye kubaho mu bwiyunge, bagatera intambwe igaragara mu gusaba imbabazi no kuzitanga.”

Nkubito Sleiman Imam (soma imamu) w’umusigiti wa Nyamata yagize ati “abantu bemere kwigaya, tubwire abantu ibyiza bakwiye kugenderaho, birinde inzika…Abantu bishe abandi batinyuke bake imbabazi,…abatwaye imitungo y’abandi bayishyure, abandi bagire impano yo kwemera guca bugufi no kwemera ibihano”.

Abanyamadini mu biganiro na Komisiyo y'Igihugu y'ubumwe n'ubwiyunge

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza