Abanyapakisitani 80% baba mu Rwanda bakora ubucuruzi

Yanditswe na Rene Anthere Rwanyange
Kuya 1 Mata 2013 saa 01:06
Yasuwe :
0 0

Mu gihe u Rwanda rushishikariza abenegihugu guhagurukira gushora imari mu mishinga inyuranye, abanyamahanga na bo bafashe iya mbere mu ishoramari mu nzego zinyuranye. Magingo aya hari amahoteri n’ubucuruzi butandukanye abakomoka muri Pakisitani bahisemo gushoramo imari.
Abanyapakisitani baba mu Rwanda bamaze kugera kuri 82. Muri bo 80% bahisemo gukora imirimo y’ubucuruzi, abasigaye bakora akazi gasanzwe mu bigo byigenga.
Uhagarariye umuryango w’Abanyapakistani baba mu Rwanda, Saeed Alam, (...)

Mu gihe u Rwanda rushishikariza abenegihugu guhagurukira gushora imari mu mishinga inyuranye, abanyamahanga na bo bafashe iya mbere mu ishoramari mu nzego zinyuranye. Magingo aya hari amahoteri n’ubucuruzi butandukanye abakomoka muri Pakisitani bahisemo gushoramo imari.

Abanyapakisitani baba mu Rwanda bamaze kugera kuri 82. Muri bo 80% bahisemo gukora imirimo y’ubucuruzi, abasigaye bakora akazi gasanzwe mu bigo byigenga.

Uhagarariye umuryango w’Abanyapakistani baba mu Rwanda, Saeed Alam, akaba na nyiri "The Monor Hotel" iri i Nyarutarama, atangaza ko bishimira kuba mu Rwanda no kuhakorera imirimo itandukanye, kuko nta n’umwe ushobora kubangamirwa ngo ni uko ari umunyamahanga. Atangaza ko uko bafashwe mu Rwanda nta handi wabibona akaba ari yo mpamvu bifuza ko ibihugu byombi, Pakisitani n’u Rwanda, byagirana umubano ushingiye kuri za Ambasade.

Ubwo bari mu birori byo kwishimira igihe igihugu cyabo cyahereweho ubwigenge n’u Bwongereza bwabakolonije, Saeed yatangaje ko bitegura umunsi wo kwizihiza isabukuru y’imyaka 66 igihugu cyabo kimaze cyigenga izaba ku wa 14 Kanama 2013, bakazatumira abayobozi banyuranye kubafasha kwimira ibyo birori. Agira ati “Turateganya kuzatumira umwe mu bayobozi b’igihugu cya Pakisitani bashinzwe umubano n’amahanga, akazamenyana n’abayobozi b’u Rwanda, kuko ibiganiro byabo bishobora gutuma habaho umubano ushingiye kuri politiki.

Abanyapakisitani iyo bahuye bagira ibiganiro binyuranye bigamije guhugurana, amarushanwa ashingiye ku kungurana ubumenyi basubiza ibibazo byabajijwe, bakanacinya akadiho k’iwabo.

Pakistani yahoze ikoronijwe n’u Bwongereza yemerewe ubwigenge tariki ya 23 Gicurasi 1947, yigenga bidasubirwaho ku wa 14 Kanama muri uwo mwaka. Ni ku nshuro ya mbere Abanyapakisitani baba mu Rwanda bazaba bizihije umunsi w’ubwigenge w’igihugu cyabo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza