IGIHE.com > Amakuru > U Rwanda
Abanyeshuri ba INILAK mu gukarishya ubwenge bw’abangavu n’ingimbi 670

Abanyeshuri ba INILAK mu gukarishya ubwenge bw’abangavu n’ingimbi 670


Yanditswe kuya 16-03-2013 - Saa 04:41' na Emmanuel Kwizera

Abanyeshuri biga muri INILAK bakanguriye abangavu n’ingimbi 670 bo mu mashuri yisumbuye, biga mu kigo cya Groupe Protestant de Rwamagana ku kwirinda ibiyobyabwenge.

Aba banyeshuri babikoze mu rwego rw’icyumweru cyahariwe abanyeshuri mu mashuri makuru na za kaminuza, abanyeshuri bo muri INILAK, kuri uyu wa 14 Werurwe 2013, bahuguye abanyeshuri bo mu kigo cya Groupe Protestant de Rwamagana, giherereye mu Karere ka Rwamagana ku kwirinda ibiyobyabwenge.

Mu moko y’ibiyobyabwenge byakoreshwaga n’abahuguwe, harimo ingoza zitwa mukubite umwice, furaha, host, zebra, urumogi n’izindi.

Mu biyobyabwenge abanyeshuri bahuguwe bagaragaje nk’ibikunze gukoreshwa dore ko bamwe muri bo bahamya ko babikoresha, ni inzoga, itabi (isigara), urwagwa rw’inkorano, kanyanga zikunze kuboneka mu ntara y’Iburasirazuba, urumogi, kunywa ku nkono y’itabi y’ababyeyi babo, inzoga zitwa mukubite umwice, Furaha, Host, Zebra n’izindi ngo ziba ziri mu dushahi.

Umunyeshuri wiga mu mwaka wa kane, utifuje gutangaza umwirondoro we, avuga ko yatangiye kunywa ibiyobyabwenge afite imyaka 14, “Narinzi inzoga nyinshi ariko njyewe utwo nafataga ni turiya dushashi twa Zebra, twa Furaha na twa Mukubite umwice. Narinzi ko mu buzima bwanjye ntahinduka, ariko ubwo bigishaga numvaga ndimo kugenda mpindura ibitekerezo.

Dushimimana Emmanuel wiga muri INILAK, wari umwe mu bahuguye, avuga ko iyo ugenzuye usanga n’abakobwa babifata, agira ati “Si abahungu gusa kuko n’abakobwa bavuga ko bibongerera imbaraga mu myigire yabo, ngo bituma bakora byinshi kurusha ibyo bagakoze ari bazima, ukumva rero ko babifata bazi ko bibajyana aheza kandi bibica.”

Abarezi n’ababyeyi babo, barakangurirwa kujya banyuzamo bakabigisha ku kurwanya ibi biyobyabwenge byangiza ubuzima bw’abana b’u Rwanda.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO