Abanyeshuri ba Kaminuza ya Contact mu ruzinduko rwo kwigira ku Rwanda

Yanditswe na Nsabimana Emile
Kuya 24 Mutarama 2013 saa 02:11
Yasuwe :
0 0

Abanyeshuri biga muri Kaminuza ya Contact muri Leta ya Vermont muri Leta Zunze Ubumwe za Amerika, bari mu ruzinduko rw’ibyumweru bibiri mu Rwanda muri gahunda yo kwigira ku byo u Rwanda rumaze kugeraho.
Aganira na IGIHE, Manar Fraj ukomoka i Bethlehem muri Palestine yavuze ko yatangajwe n’uko u Rwanda ari igihugu kimeze neza kuruta uko yabitekerezaga; anakurikije amakuru yagiye yumva mu bitanazamakuru. Ati “U Rwanda ni igihugu cyiza kirangwa n’isuku n’abaturage beza barangwa n’urukundo no (...)

Abanyeshuri biga muri Kaminuza ya Contact muri Leta ya Vermont muri Leta Zunze Ubumwe za Amerika, bari mu ruzinduko rw’ibyumweru bibiri mu Rwanda muri gahunda yo kwigira ku byo u Rwanda rumaze kugeraho.

Aganira na IGIHE, Manar Fraj ukomoka i Bethlehem muri Palestine yavuze ko yatangajwe n’uko u Rwanda ari igihugu kimeze neza kuruta uko yabitekerezaga; anakurikije amakuru yagiye yumva mu bitanazamakuru. Ati “U Rwanda ni igihugu cyiza kirangwa n’isuku n’abaturage beza barangwa n’urukundo no gusabana.”

Aba banyeshuri 12 bakomoka mu bihugu bitandukanye bazasura ibigo n’imiryango itandukanye mu Rwanda, bahabwe ubuhamya bw’uburyo u Rwanda rwagiye rwiyubaka. Ibigo bazasura birimo Komisiyo y’igihugu y’ubumwe n’ubwiyunge , Urugaga rw’abagabo baharanira uburinganire, Urwibutso rwa Jenoside rwa Kigali ruri ku Gisozi, n’abaturage bo mu Murenge wa Save mu Karere ka Gisagara.

Muri ibi bice bazareba uburyo ubumwe n’ubwiyunge bwimakajwe, abakora imirimo nsimburagifungo ifitiye igihugu akamaro, ishyirahamwe ry’urubyiruko rw’Abayisilamu ruharanira iterambere, Ikigo cy’ubushakashatsi ku biganiro gigamije amahoro NA Pro-Femme Twese hamwe.

AbA banyeshuri bakomoka mu bihugu bya Leta zunze ubumwe za Amerika, u Budage, u Buhinde, Afghanistan, Palestine, Shili, RDC, Nigeria, Uganda, Cashimir, Sudan n’ u Rwanda; bakaba bakurikirana amasomo ajyanye no kubaka amahoro no gukemura amakimbirane.

Bamporiki Eduard ni we Munyarwanda wenyine uri kwiga muri iyi kaminuza, ariko hari n’abandi bahize barimo Dr Habyarimana Jean Baptiste, Umunyamabanga Nshingwabikorwa wa Komisiyo y’igihugu y’ubumwe n’ubwiyunge.

Uru ruzinduko rwatangiye ku wa 19 Mutarama 2013, rukazarangira ku wa kana Gashyantare 2013.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza