Abatangiye Urugerero barasabwa gukora neza gahunda zarwo bateganyiriza ejo hazaza

Yanditswe na Nsabimana Emile
Kuya 22 Mutarama 2013 saa 05:57
Yasuwe :
0 0

Minisitiri w’Intebe Dr Pierre Damien Habumuremyi, ari kumwe na Minisitiri w’Ubutegetsi bw’Igihugu Musoni James n’ukuriye Itorero ry’Igihugu Rucagu Boniface batangije ku rwego rw’igihugu Urugerero ku banyeshuri barangije amashuri yisumbuye mu mwaka wa 2012; babibutsa ko gukora ibiteganyijwe muri gahunda y’Urugerero ari ugutanga icyizere cy’ejo hazaza heza.
Imirimo y’Urugerero ijyanye no gukora ubukangurambaga mu baturage bigishwa uburyo bwo kwirinda icyorezo cya SIDA no kwitabira gahunda za Leta, (...)

Minisitiri w’Intebe Dr Pierre Damien Habumuremyi, ari kumwe na Minisitiri w’Ubutegetsi bw’Igihugu Musoni James n’ukuriye Itorero ry’Igihugu Rucagu Boniface batangije ku rwego rw’igihugu Urugerero ku banyeshuri barangije amashuri yisumbuye mu mwaka wa 2012; babibutsa ko gukora ibiteganyijwe muri gahunda y’Urugerero ari ugutanga icyizere cy’ejo hazaza heza.

Imirimo y’Urugerero ijyanye no gukora ubukangurambaga mu baturage bigishwa uburyo bwo kwirinda icyorezo cya SIDA no kwitabira gahunda za Leta, bitabira ubwisungane mu kwivuza no kwigisha abatazi gusoma no kwandika.

Minisitiri w’Intebe yavuze ko Urugerero ari gahunda ya gakondo yahozeho kuva na kera, n’ubu ikaba iteganyijwe muri gahunda za Leta. Yagize ati “Kera abasore bajyaga ‘Ingishwa,’ bisobanura inka yahabwaga umusore wabaga waragiye ku rugerero kugira ngo izamukamirwe.”

Yabwiye abatangiye Urugerero ko bafite amahirwe yo kuba bahaye agaciro igihugu cy’u Rwanda, no kuba urugerero bongeye kurusubizaho nk’uko byahoze kuva kera. Aha yagize ati “Urugerero ruzabaherekeza mu guteza imbere ibikorwa by’igihugu n’ibikorwa byanyu, ndetse no mu miryango mukomokamo.”

Minisitiri w’Intebe yavuze ko ibindi bihugu byatangiye iyi gahunda kuva kera, atanga urugero rwa Singapore cyamaze gutera imbere kibikesha gukora cyane no kwiteza imbere hashingiwe ku muco.

Umukuru w’Itorero ry’Igihugu Rucagu Boniface yasabye abatangiye Urugerero gukora neza ibyateganyijwe, kuko Urugerero ari umuco nyarwanda kuva kera utanga icyizere kuri ejo hazaza h’igihugu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza