IGIHE.com > Amakuru > U Rwanda
Abayobozi  bungirije b’Uturere mu mahugurwa yo kwita ku mibereho myiza y’abaturage

Abayobozi bungirije b’Uturere mu mahugurwa yo kwita ku mibereho myiza y’abaturage


Yanditswe kuya 20-11-2012 - Saa 12:16' na Ange de la Victoire Dusabemungu

Minisiteri y’ubuzima irateganya guhugura abayobozi bungirije bo mu turere twose tw’Igihugu , bakazahabwa amahugurwa ajyanye no guteza imbere ibikorwa by’ubuzima no gutegura imishinga igamije gushyigikira imibereho myiza y’abaturage.

Kuri ubu buri karere ko mu gihugu karimo impuguke mu by’ubuzima ziri hagati y’eshanu n’icumi zizatanga ayo mahugurwa.

Ibi bije bikurikira umwiherero uherutse kubera i Gashora, aho abayobozi bungirije b’Uturere baganiraga na Minisiteri y’ubuzima bagamije kurebera hamwe uko iyo gahunda yakomeza.

Mu itangazo rigenewe abanyamakuru, Minisiteri y’ubuzima ivuga ko mu gihe hegereje gahunda y’imbaturabukungu, EDPRS ya 2, ari ngombwa ko buri muntu wese yumva ko agomba kugira uruhare mu guteza imbere urwego rw’ubuzima mu Rwanda, kuko bijyana n’iterambere ry’umuturage.

Amahugurwa bazahabwa biteganyijwe ko azahindura byinshi mu mitangire ya servisi, guteza imbere imirire myiza no kurebera hamwe uko hagabanywa impfu z’ababyeyi n’abana.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO