Kwamamaza

Agaburira 30 batagira kigemurira muri CHUK buri munsi

Yanditswe kuya 27-12-2012 saa 10:24' na IGIHE
     


Ubwo hari abarwayi baturuka kure ya Kigali bari mu bitaro bikuru bya kaminuza bya Kigali (CHUK) batagira ubagemurira, hari abafite umutima w’ubugiraneza bitanga bakabitaho. Umukirisitu ufite resitora (restaurant) yitwa Ebenezeri muri Kigali yiyemeje kujya agemurira abarwayi bagera kuri 30 buri munsi.
Mu nkuru dukesha ORINFOR, kuri iyo resitora ‘’Ebenezeri’’ iherereye i Nyamirambo ahitwa kwa Mutwe, mu gihe cyo mu ma saa sita, usanga abarwayi cyangwa abarwaza babo batoye umurongo.
Nyir’iyo (...)

Ubwo hari abarwayi baturuka kure ya Kigali bari mu bitaro bikuru bya kaminuza bya Kigali (CHUK) batagira ubagemurira, hari abafite umutima w’ubugiraneza bitanga bakabitaho. Umukirisitu ufite resitora (restaurant) yitwa Ebenezeri muri Kigali yiyemeje kujya agemurira abarwayi bagera kuri 30 buri munsi.

Mu nkuru dukesha ORINFOR, kuri iyo resitora ‘’Ebenezeri’’ iherereye i Nyamirambo ahitwa kwa Mutwe, mu gihe cyo mu ma saa sita, usanga abarwayi cyangwa abarwaza babo batoye umurongo.

Nyir’iyo resitora, Niwenshuti Léonald, bakunze kwita Murokore, atangangaza ko amaze imyaka igera kuri ine yiyemeje gukora icyo gikorwa cyiza cyo kugaburira abatishoboye. Ibi ngo yabitangiye nyuma yo kurwariza umubyeyi we muri CHUK, akabona ibibazo abantu batishoboye baturuka kure ya Kigali no mu Ntara bahura nabyo.

N’ubwo agemurira abarwayi ku buntu buri munsi, Niwenshuti Yemeza ko yabibonyemo umugisha ituruka ku Mana, kuko ngo kuva yabitangira, ubucuruzi bwe bugenda bwiyongera.

Abo barwayi bishimirira ubufasha bahabwa n’uwo mugabo bita Murokore. Ngo ndetse iyo umwe akize agataha, asiga yeretse iyo restaurant undi murwayi uturuka kure utishoboye.

Abarwayi batishoboye bo muri CHUK, babona ubufasha bw’abantu bakunda Imana batandukanye, harimo n’ishyirahamwe ry’abagore b’Abayisilamu babagemurira amafunguro buri wa gatanu.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved