Kwamamaza

Ambasaderi w’u Budage mu Rwanda arahamya ko igihugu cye kizakomeza kwita ku mpunzi

Yanditswe kuya 16-03-2013 saa 10:37' na IGIHE
     


Ubwo yasuraga impunzi z’Abanyekongo ziri mu nkambi y’agateganyo ya Nkamira mu Karere ka Rubavu ku wa gatanu ku itariki ya 15 Werurwe 2013, Ambasaderi w’u Budage mu Rwanda, Peter Fahrenholtz yatangaje ko igihugu cye kizakomeza gutanga inkunga mu gufasha Ishami ry’Umuryango w’Abibumbye ryita ku mpunzi na Guverinoma y’u Rwanda gukemura ibibazo by’impunzi.
Ambasaderi Fahrenholtz yahumurije izi mpunzi, azibwira ko ubuzima barimo batazabubamo iteka ryose ahubwo ko igihe kizagera amahoro akaboneka mu (...)

Ubwo yasuraga impunzi z’Abanyekongo ziri mu nkambi y’agateganyo ya Nkamira mu Karere ka Rubavu ku wa gatanu ku itariki ya 15 Werurwe 2013, Ambasaderi w’u Budage mu Rwanda, Peter Fahrenholtz yatangaje ko igihugu cye kizakomeza gutanga inkunga mu gufasha Ishami ry’Umuryango w’Abibumbye ryita ku mpunzi na Guverinoma y’u Rwanda gukemura ibibazo by’impunzi.

Ambasaderi Fahrenholtz yahumurije izi mpunzi, azibwira ko ubuzima barimo batazabubamo iteka ryose ahubwo ko igihe kizagera amahoro akaboneka mu gihugu cyabo bagataha. Yagize ati“birababaje cyane kubona abenshi muri mwe ari abagore n’abana bavanywe mu byabo mukaza kuba mu buzima bubi bw’ubuhunzi, ariko isi yose cyane cyane ibihugu byo mu Biyaga Bigari bikomeje gukora uko bishoboye kugira ngo umutekano ugaruke muri Kongo.”

Nk’uko byatangajwe n’Uhagarariye Ishami ry’Umuryango w’Abibumbye ryita ku mpunzi mu Rwanda Neimah Warsame, ngo igihugu cy’u Budage gisanzwe gitanga inkunga mu bijyanye n’uburezi bw’impunzi ku buryo mu mwaka ushinze hari abanyeshuri b’impunzi umunani boherejwe kwiga mu bihugu bitandukanye ku nkunga y’u Budage.

U Budage kandi ngo bwatanze inkunga y’ingoboka igihe Ishami ry’Umuryango w’Abibumbye ryita ku biribwa (WFP) ryari ryatangaje ko rigiye kugabanya ibiribwa byagenerwaga impunzi ziri mu Rwanda kubera kubura amafaranga.

Ni inkuru dukesha urwego rw’itumanaho muri Minisiteri ishinzwe gucyura impunzi no gukumira ibiza

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved