Abacuruzi bo mu Rwanda biteze kungukira byinshi mu imurika rizabera muri Congo

Yanditswe na Kanamugire Emmanuel
Kuya 26 Ukwakira 2016 saa 09:02
Yasuwe :
0 0

Urugaga rw’abikorera mu Rwanda ruri gutegura imurika rizabera muri Congo hagamijwe kumenyekanisha ibikorerwa imbere mu gihugu, kugaragaza amahirwe ari mu bucuruzi no kwagura isoko mu bihugu bya Afurika y’Uburengerazuba n’iyo hagati.

Iri murika rizafungurwa ku mugaragaro tariki ya 2 risozwe ku ya 6 Ukwakira aho u Rwanda ruzaba rumurika ibikoresho bikorerwa imbere mu gihugu, rikazabera muri mujyi w’ubucuruzi wa Pointe-Noire.

Usibye imurika hateganyijwe ibiganiro ku bucuruzi aho abanyarwanda bafite ibyo bohereza mu mahanga bazungurana ibitekerezo na bagenzi babo bo muri Congo ku bufatanye mu by’ubucuruzi n’amahirwe mu by’ishoramari ari kuri buri ruhande.

Umuyobozi w’Urugaga rw’Abikorera, Stephen Ruzibiza, yavuze ko intego nyamukuru ya PSF ari ugufasha abacuruzi kubona amasoko y’ibicuruzwa byabo mu bindi bihugu birimo na Congo.

Biteganyijwe ko sosiyete zisaga 40 z’imbere mu gihugu zizamurika ibicuruzwa na serivisi zazo, zirimo ibikomoka ku buhinzi, ibijyanye n’ubwubatsi, serivisi z’ibigo by’imari n’ibindi.

Umuyobozi w’Uruganda rwa Kinazi rutunganya ifu y’imyumbati, Emile Nsanzabaganwa, umwe mu bazitabira iri murika yavuze ko yiteguye kungukiramo abakiliya benshi.

Ati “Mu imurika riheruka kubera i Goma muri Repubulika Iharanira Demokarasi ya Congo, nungutse isoko rya toni 1200 z’ifu buri mwaka; nizeye ko no muri Congo nzabona irirenze iryo.”

Yavuze ko yifuza kugira abakiliya bahagarariye uruganda rwa Kinazi muri Congo na Cabinda muri Angola.

U Rwanda rwiyemeje kongera ibicuruzwa byoherezwa mu mahanga, ibigo by’ubucuruzi n’ubufatanye byose bigamije kuziba icyuho mu byoherezwa n’ibitumizwa mu mahanga.

Amamurika yo ku rwego nk’uru yabereye muri DRC, u Bushinwa, Turikiya, andi akaba ateganyijwe mu bindi bihugu byo ku mugabane wa Aziya.

Mu rwego rwo kongera ibyoherezwa mu mahanga, PSF yatangije ikigo gitanga serivisi zitandukanye muri Congo, inagirana amasezerano y’ubufatanye na G25 ndetse n’iguriro rya kijyambere rya Sawaciti yo gukwirakwiza ibicuruzwa bikomoka mu Rwanda no gufasha abanyarwanda kubona amasoko.

Umuyobozi wa PSF, Stephen Ruzibiza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244