Kwamamaza

Abamotari bavogera ‘Car free zone’ bahagurukiwe

Yanditswe kuya 1-11-2016 saa 21:30' na Emma-Marie Umurerwa


Abayobozi ba koperative z’abamotari bahagurukiye guca icyo bise akajagari gakorwa n’abamotari bihandagaza bakajya gushakira abagenzi muri ‘Car free zone’.

Baranoga Pascal, umuyobozi wa koperative y’abatwara moto mu mujyi wa Kigali,COTAMOGI, yavuze ko batazihanganira abamotari bica amategeko nkana.

Ati « Nyuma yo kubona ko hari abamotari basigaye bajya guparika moto muri car free zone, imbere y’inyubako ya ‘Makuza Peace Plaza twiyemeje gukora umukwabu kugira ngo abafashwe bahanwe bibere abandi isomo. »

« Sinzi niba twabyita agasuzuguro, ariko icyo nabwira abamotari ni uko abayobozi ba koperative tutazigera twihanganira abica amategeko nkana. Bose barabizi ko hano nta ‘parking’ihari barangiza bakarenga icyapa bakinjira mu muhanda wa ‘car free zone’, ibi ntituzigera tubyihanganira. »

Uyu muyobozi yakomeje avuga ko umukwabu wabaye kuri uyu Kabiri wafatiwemo abamotari bagera kuri barindwi, abayobozi babo bahamagara ishami rya Polisi rishinzwe umutekano wo mu muhanda ribandikira ibihano.

Uretse aba bamotari bafashwe baparitse ahabujijwe, ngo hari n’urundi rutonde rw’abarenga 30 bari gushakishwa kubera amakosa atandukanye bakoze, arimo gukora ku munsi w’umuganda hamwe n’abandi bakora batanditse.

Umuvugizi wa Polisi, ishami rishinzwe umutekano wo mu muhanda, CIP Emmanuel Kabanda, yatangarije IGIHE ko iyo ikinyabiziga giparitse ahabuzanyijwe, nyiracyo ahanishwa ibihano bitandukanye birimo gucibwa amande y’amafaranga ibihumbi 25 ndetse ngo hari n’igihe ikinyabiziga gifungwa.

Uyu muhanda wafunzwe muri Kanama 2015, ndetse bibanza kutavugwaho rumwe, kubera abavugaga ko bari guhombywa n’uko nta muntu ukihagera.

Bamwe mu bamotari bafashwe bavogereye 'Car Free Zone'
Baranoga Pascal, umuyobozi wa koperative y’abatwara moto mu mujyi wa Kigali,COTAMOGI

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved