Kwamamaza

Abantu 483 muri 611 bahamwe n’ibyaha bimunga ubukungu bw’igihugu mu 2015/2016

Yanditswe kuya 11-10-2016 saa 07:10' na Cyprien Niyomwungeri


Ubushinjacyaha bw’u Rwanda buratangaza ko mu manza zijyanye n’ibyaha bimunga ubukungu bw’igihugu zaburanishijwe mu mwaka ushize wa 2015/2016, abagera kuri 483 muri 611 baburanaga bahamwe n’ibyaha baregwaga.

Mu muhango wo gutangiza ku mugaragaro umwaka w’ubucamanza 2016/2017 wabaye kuri uyu wa Mbere tariki 10 Ukwakira 2016, Umushinjacyaha Mukuru wa Repubulika, Richard Muhumuza, yatangaje ko gukurikirana ibyaha bimunga ubukungu bw’igihugu by’umwihariko abanyereza amafaranga Leta ishyira muri gahunda zigamije kuzamura abaturage byitaweho.

Yagize ati "Ubushinjacyaha bwakurikiranye by’umwihariko abantu bavugwaho kurigisa umutungo wa Leta iba yashyize muri gahunda zigamije kuzamura imibereho y’abaturage, zirimo VUP, Girinka, ifumbire, ’mutuelle de santé’ n’Ubudehe, umwaka ushize abantu 205 bashyikirijwe inkiko bashinjwa kuba bararigishije amafaranga yo muri izo gahunda.”

Muhumuza akomeza avuga ko muri uriya mwaka ubushinjacyaha bwashyikirije inkiko amadosiye 445 aregwamo abantu 586, bamwe muri bo baregwa kuba bararigishije umutungo wa Leta cyangwa kuwukoresha nabi na ho abandi bakekwaho kuba barakoresheje nabi umutungo w’amabanki, ibigo by’imari n’amakoperative.

Muri rusange mu mwaka w’ubucamanza wa 2015/2016, ubushinjacyaha bwashyikirije inkiko amadosiye 25 453 aregwamo abantu 25 623. Agera kuri 25 285 ni ukuvuga 99.3% yarakozwe. Umwaka wari wabanje ubushinjacyaha bwari bwashyikirije inkiko amadosiye 28864.

Umwaka ushize kandi 92.5% by’imanza ubushinjacyaha bwaburanye bwarazitsinze bitewe no guhugura abashinjacyaha no kwifashisha izindi manza zaciwe ahandi.

Ubushinjacyaha bwari bwiyemeje gushyira ingufu ku maperereza y’abakekwaho Jenoside, aho inyandiko 206 zitanga ibirego zoherejwe hanze umwaka ushize. Icyakora ngo ibihugu bazoherejemo biracyaseta ibirenge mu kubishyira mu bikorwa.

KU byaha byo gusambanya abana, gusambanya abakuru ku gahato no guhoza ku nkeke abo bashakanye, hakiriwe amadosiye yose hamwe agera kuri 2811, muri yo 2798 yafatiwe umwanzuro.

Amadosiye yo gufata abana ku ngufu n’abakuru, ibiyobyabwenge, gukubita no gukomeretsa n’ubujura ntabwo agabanuka cyane.

Umushinjacyaha Mukuru wa Repubulika, Richard Muhumuza

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved