Kwamamaza

Abatanga serivisi zifite aho zihuriye n’ibiribwa basabwe kwita ku mabwiriza y’ubuziranenge

Yanditswe kuya 14-10-2016 saa 15:57' na Emma-Marie Umurerwa


Ikigo cy’Igihugu gishinzwe Ubuziranenge (RSB) kirashishikariza inganda zikora ibiribwa n’ibinyombwa, abatanga serivisi mu mahoteli n’amaresitora kwita ku mabwiriza y’ubuziranenge mu rwego rwo kwirinda ihumana ryabyo.

Ubu butumwa bwatanzwe ubwo hizihizwaga Umunsi Mpuzamahanga w’Ubuziranenge tariki ya 14 Ukwakira.

Umuyobozi w’Inama y’Ubutegetsi ya RSB,Dr Bienvenu Emile yagarutse ku nsanganyamatsiko y’uyu munsi ku rwego rw’Isi igira iti ‘Amabwiriza y’ubuziranenge afasha mu kubaka icyizere’ yibanda ku yo u Rwanda rwahisemo igira iti ‘Amabwiriza y’ubuziranenge ni inkingi ya mwamba mu gukumira ihumana ry’ibiribwa.”

Yagize ati “Amabwiriza y’ubuziranenge aramutse adakurikijwe, gukumira ihumana ry’ibiribwa byaba bitagishobotse. Hagomba rero kubaho amabwiriza y’ubuziranenge agomba gukumira ihumana ry’ibiribwa agakurikizwa n’ibigo bitanga serivisi zo gukora cyangwa gucuruza ibiribwa. Nta gushidikanya rero ko ayo mabwiriza atabayeho ubuzima bw’abahabwa serivisi bwajya mu kaga.”

Uyu muyobozi yakomeje ashishikariza abanyenganda nini, intoya n’iziciriritse, abatanga serivisi mu mahoteli n’amaresitora, kugira uruhare rusesuye mu gukumira ibyahumanya ibiribwa, hifashishijwe amabwiriza y’ubuziranenge.

Yakomeje agira ati “Nidushyira ku isoko ibicuruzwa na serivisi byujuje ubuziranenge ndizera ntashidikanya ko u Rwanda ruzagera ku cyerekezo rwiyemeje.”

Umuyobozi w’agateganyo w’Ikigo cy’Igihugu gishinzwe ubuzirange, Murenzi Raymond, yavuze ko abanyarwanda bakwiye guhora bazirikana akamaro k’isuku y’ibiribwa n’ibinyobwa.

Yagize ati “Uyu mwaka turimo kugerageza kongera gukangura abatanga serivisi zijyanye n’ibyo kurya, kugira ngo barusheho kwita ku mabwiriza kuko burya umuntu ahinduka icyo yariye, iyo wariye ibihumanye nawe urahumana.”

Yakomeje avuga ko amabwiriza y’ubuziranenge u Rwanda ruhuriyeho n’ibindi bihugu atuma ibicuruzwa na serivisi biboneka mu masoko y’imbere mu gihugu ndetse no hanze birushaho kugira agaciro.

Umuyobozi w'Agateganyo wa RSB, Murenzi Raymond
Umuyobozi w'Inama y'Ubutegetsi ya RSB, Dr Emile Bienvenu

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved