Akarere ka Bugesera kamaganye koperative y’abakora uburaya biyise indatwa

Yanditswe na Umutoni Rosine
Kuya 13 Ukwakira 2017 saa 12:12
Yasuwe :
0 0

Abakora uburaya ku Ruhuha mu Karere ka Bugesera, bibumbiye muri koperative bise ‘indatwa’, aho bavuga ko bagamije kwiteza imbere.

Ni ibintu ubuyobozi bw’akarere ka Bugesera buvuga ko bidakwiye ndetse butumva icyo iyo koperative yaba igamije.

Abanyamuryango bayo bari mu byiciro bitandukanye(abakiri bato n’abakuze) bakaba bariyise indatwa aho kuba indaya.

Umwe mu baganiriye na TV1, ni umugore ufite imyaka 48 y’amavuko, akaba amaze imyaka 18 mu buraya.

Yagize ati “Natangiye gukora uburaya mfite imyaka 30. Iyo turi mu ishyirahamwe tuba turi indatwa ntituba turi indaya.”

Abajijwe icyatumye aba indaya kandi akuze yasubije ati “Biterwa n’ubuzima urimo […] ubu mbona amafaranga yo guhahira abana nyine umwana akajya ku ishuri ntabure ikayi n’ikaramu.”

Abaturage bo ku Ruhuha ngo bazi iby’iyi koperative n’uburyo ikora. Umwe muri bo yagize ati “Bakora uburaya barabyiyemeje, bari no mu ishyirahamwe.”

Umuyobozi w’Akarere ka Bugesera wungirije ushinzwe imibereho myiza y’abaturage, Uwiragiye Priscille mu kiganiro yagiranye na IGIHE, yavuze ko iby’iyi koperative atabizi.

Ati “Ibyo bintu ntibikwiriye, iyo koperative ntabwo tuyizi rwose, ahubwo ndaza gushaka amakuru. Ubundi koperative ibereho guteza imbere abayirimo. Iyo se urumva ari koperative igamije iki ?”

Mu bice by’Akarere ka Bugesera hari ahantu hatandukanye hazwi ko habarizwa indaya, ndetse ngo hari n’uduce tubamo indaya mpuzamahanga kubera ko zicuruza ku bashoferi b’amakamyo aturutse mu bihugu bitandukanye.

Hamwe muri ho ni ahitwa Riziyeri mu Murenge wa Rilima, aho bivugwa ko abagabo baturuka imihanda yose bakajya gushaka indaya muri ako gace.

Izindi nkuru wasoma: -Abagabo baturuka imihanda yose bajya gushaka indaya Riziyeri

- Bugesera:Ipfunwe ryatumye indaya za Riziyeri zigira umunsi wihariye wo gukora umuganda

Umwe mu biyemerera ko ari indaya akaba ari no muri koperative

Niba ushaka kuduha inkuru waduhamagara kuri 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza