Kwamamaza

Amb.Igor Cesar yatanze impapuro zimwemerera guhagararira u Rwanda muri Liechtenstein

Yanditswe kuya 12-11-2016 saa 08:13' na Karirima A.Ngarambe


Ambasaderi w’u Rwanda mu Budage yashyikirije Alois, Igikomangoma cya Liechtenstein,impapuro zimwemerera guhagararira u Rwanda muri iki gihugu.

Ni mu muhango wabaye kuri uyu wa Gatatu tariki ya 10 Ugushyingo 2016, aho Alois,(Hereditary Prince) wakiriye izo nzandiko yari ahagarariye Hans Adam II.(Reigning Prince).

Muri uwo muhango, Ambasaderi yashyikirije Alois intashyo za Perezida Paul Kagame Perezida anamwifuriza amahoro, ishya n’ihirwe.

Mbere y’uko atanga inzandiko zimuhesha uburenganzira guhagararira u Rwanda, Ambasaderi yakiriwe na Aurelia Frick, Minisitiri w’Ububanyi n’Amahanga, Uburezi n’Umuco wa Liechtenstein. Uwo mubonano kandi witabiriwe na Ambasaderi Martin Frick, Umuyobozi ushinzwe iby’Ububanyi n’Amahanga muri iyo Minisiteri.

Ibiganiro byabo byibanze ku bintu ibihugu byombi bihuriyeho n’uburyo umubano wabyo washingirwaho hashakishwa ubufatanye bwatuma buri gihugu kigera ku ntego z’iterambere cyiyemeje.

Ambasaderi yacyeje Liechtenstein uburyo yashoboye gutera imbere mu buryo bw’ubukungu n’imibereho myiza ivuye ku bukungu bushingiye ku buhinzi, anagaragaza icyifuzo cy’u Rwanda cyo kwigira ku bunararibonye bwayo, by’umwihariko mu bijyanye no guteza imbere ubukungu n’uburezi.

Abayobozi bombi, bashimiye u Rwanda intambwe rumaze gutera mu by’bukungu n’imibereho myiza nyuma ya Jenoside yakorewe Abatutsi mu 1994.

Umubano wa dipolomasi hagati y’u Rwanda na Liechtenstein watangiye mu kwezi kwa Kanama 2016, iyi ikaba ari inshuro ya mbere u Rwanda ruhagarariwe muri iki gihugu.

Ambasade y’u Rwanda mu Budage kandi ihagarariye u Rwanda muri Romania, Czech Republic, Slovakia Republic, Poland na Ukraine.

Ambasaderi Igor Cesar (iburyo) n'Igikomangoma Alois cya Liechtenstein

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved