Kwamamaza

Amb. Rugwabiza yashyikirije Ki moon impapuro zimwemerera guhagararira u Rwanda muri Loni

Yanditswe kuya 12-11-2016 saa 14:36' na Ntakirutimana Deus


Ambasaderi Valentine Rugwabiza uherutse guhabwa inshingano zo guhararira u Rwanda mu Muryango w’Abibumbye (Loni) yashyikirije Umunyamabanga Mukuru wawo Ban Ki moon impapuro zimuhesha ubwo burenganzira.

Urubuga rwa Loni dukesha iyi nkuru rwatangaje ko iki gikorwa cyabaye ku wa Gatanu tariki ya 11 Ugushyingo 2016.

Ambasaderi Rugwabiza yahawe izi nshingano mu mpinduka nshya muri Guverinoma y’u Rwanda ziherutse gukorwa na Perezida wa Repubulika Paul Kagame.

Mbere yo guhabwa uwo mwanya yari Minisitiri w’Umuryango wa Afurika y’i Burasirazuba (EAC) mu Rwanda guhera muri 2014.

Hagati ya 2013 - 2014, yari Umuyobozi Mukuru w’Ikigo cy’Igihugu gishinzwe iterambere (RDB) ari n’umwe mu bagize Guverinoma.

Kuva muri 2005 kugeza muri 2013, Rugwabiza yari umuyobozi mukuru wungirije mu muryango mpuzamahanga w’ubucuruzi(World Trade Organization- WTO).

Muri 2000-2002 yari Umujyanama mu muryango witwaga PACFA washinzwe ugamije kurinda no kwita ku miryango ibana n’agakoko gatera SIDA waje gukura ukaba Imbuto Foundation, akaba yarakoze n’ibindi bitandukanye.

Rugwabiza afite imyampabumenyi y’icyiciro cya gatatu cya kaminuza (Masters) mu bya siyansi yavanye muri Kaminuza Nkuru ya Repubulika Iharanira Demokarasi ya Congo, (Zaire ya Kera).

Ambasaderi Valentine Rugwabiza na Ban Ki moon, Umunyamabanga Mukuru wa Loni

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved