U Bwongereza burasaba abanyarwanda kubyaza amahirwe buruse z’ubuntu yabashyiriyeho

Yanditswe na Jean Pierre Tuyisenge
Kuya 7 Ukwakira 2016 saa 07:30
Yasuwe : XX
0

Ambasade y’u Bwongereza mu Rwanda yasabye Abanyarwanda barangije kwiga amashuri makuru na kaminuza, kubyaza amahirwe buruse z’ubuntu zitwa Chevening u Bwongereza bwemereye ibihugu biri mu muryango w’Ibihugu bivuga Icyongereza ( Common Wealth).

Ubuyobozi bw’iyi ambasade busobanura ko aya ari amahirwe yagakwiye kubyazwa umusaruro cyane ko ngo agamije gufasha abashaka kwiga icyiciro cya kabiri cya Kaminuza muri kaminuza zo mu Bwongereza.

Robert Kamuratse ushinzwe imishinga muri iyi Ambasade, yasabye abanyarwanda kudatesha agaciro impano bahawe.

Yagize ati “ Turabasaba kubyaza amahirwe izi buruse kuko nta kindi bisaba, nta mafaranga yandi mucibwa.”

Yakomeje avuga ko abifuza kwiga mu mwaka wa 2017 batangiye kwiyandikisha ku wa 8 Kanama bikazarangira ku wa 8 Ugushyingo 2016.

Ubuyobozi bw’iyi ambasade butangaza ko izi buruse zishyurira umunyeshuri ibikenerwa byose birimo amafaranga y’ishuri, aho kuba, ibimutunga, amafaranga arebana na Visa, amafaranga y’urugendo, n’ibindi byose bikenerwa ku ishuri.

Izi buruse zitwa Chevening Scholarship zatangijwe na Leta y’U Bwongereza mu mwaka wa 1983,zikaba zemerewe abanyeshuri baturuka mu bihugu 160 ku Isi yose birimo n’u Rwanda.

Umwaka ushize mu Rwanda haturutse abanyeshuri 16 boherejwe kwiga muri Kaminuza zo muri iki gihugu.

Abanyarwanda bemerewe gusaba kujya kwiga muri Kaminuza bashaka mu Bwongereza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza