Kwamamaza

BPR yasoje icyumweru cyahariwe abakiliya yiyemeza gukora ibituma bayikunda

Yanditswe kuya 8-10-2016 saa 07:18' na Niyonsenga Schadrack


Mu gusoza icyumweru cyahariwe abakiriya, Banki y’Abaturage y’u Rwanda yatangaje ko igiye kuvugurura serivisi ku rwego rutuma abakiliya bayo bayikunda.

Iyi Banki ifite icyizere ko mu mwaka wa 2017 izaba ari yo ya mbere mu Rwanda mu gutanga serivisi nziza kandi ku gihe.

Sanjeev Anand, uyobora Banki y’Abaturage mu Rwanda yavuze ko muri iki cyumweru cy’ibikorwa byo kwegera abakiliya yabonye ko hashobora gukorwa byinshi byatuma bayikunda aho kuyiyumvamo gusa.

Ati “Ntabwo batwangaga ariko haba hakenewe ivugurura, abakiriya bacu nibaba badukunda bazishimira serivisi tubaha kandi bazabona ari ntagereranywa ariko nibiba ari ukutwiyumvamo,bashobora kuzabona ahandi bakaducika, rero ubu turakora ibishoboka kugira ngo badukunde.”

Bimwe mu bizatuma abakiriya ba BPR barushaho kuyikunda ngo ni ukubaha serivisi bifuza ku gihe nk’uko byemezwa na Konde Bugingo, Umuyobozi Mukuru wungirije muri BPR.

Yavuze ko kugeza ubu Banki y’Abaturage yishimira ko hari intambwe imaze gutera mu korohereza abashaka inguzanyo.

Bugingo yagize ati “Turimo turagabanya iminsi gutanga inguzanyo bitwara, turanagabanya umwanya bidutwara kwakira ikibazo cy’umukiriya ngo tugikemure.
Turashaka ko umuntu wadusabye inguzanyo ayibona vuba kugira ngo abashe kuyikoresha icyo yayisabiye bimugirire inyungu; icyo ni cyo kintu cya mbere tuzahangana na cyo.”

Konde Bugingo avuga kandi ko iyi banki ifite gahunda yo guhugura abakozi bayo kugira ngo bagire imikorere no gutanga serivisi nziza mu buryo bugezweho.

Icyumweru cyahariwe abakiriya muri BPR cyasojwe hatangwa ibyemezo by’ishimwe ku mashami ya BPR yarushije ayandi gutanga serivisi nziza muri Kigali.

Ishami Kimironko ryabaye irya mbere, irikorera mu mujyi ku Cyicaro Gikuru ryabaye irya kabiri na ho iryashyiriweho guteza imbere abagore riherereye mu isoko rya Nyarugenge riza ku mwanya wa gatatu.

Umuyobozi wa BPR yavuze ko igiye gukora ibishoboka kugira ngo abakiliya bayikunde kurushaho
Abayobozi ba BPR, abakozi n'abakiliya mu ifoto rusange ubwo hasozwaga icyumweru cyahariwe abakiliya
Ishami rya BPR Kimironko ni ryo ryahwe icyemezo cy'ishimwe rikesha gutanga serivisi nziza
Konde Bugingo, Umuyobozi wa BPR Wungirije
Umuyobozi wa BPR, ishami rya Kimironko ahabwa icyemezo cy'ishimwe

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved