Kwamamaza

Bugesera: Abakozi ba Sacco ya Kamabuye batawe muri yombi

Yanditswe kuya 11-11-2016 saa 05:08' na Ntakirutimana Deus


Umucungamutungo n’abakira amafaranga (cashiers) muri Sacco y’Umurenge wa Kamabuye mu Karere ka Bugesera batawe muri yombi bashinjwa kunyereza umutungo wayo.

Mu kiganiro Umuvugizi wa Polisi mu Ntara y’i Burasirazuba, IP Emmanuel Kayigi yagiranye na RBA yatangaje ko batawe muri yombi bakaba bakurikiranyweho ibyaha bitandukanye byo gusesagura, kunyereza no konona umutungo bashinzwe kurinda.

Yagize ati “ Bemera ko hari ayo bagiye biguriza bayavanye kuri konti z’abakiliya.”

IP Kayigi yavuze ko kugeza ubu hamaze kumenyekana amafaranga asaga miliyoni n’igice bemera ko bagiye biguriza, ariko ngo iperereza ndetse n’igenzura ry’umutungo birakomeje ngo bigaragaze ko nta yandi baba baranyereje.

IP Kayigi yavuze ko imikorere nk’iyo ishobora gutuma abaturage batera icyizere koperative z’imirenge Sacco begerejwe na leta ngo zibafashe nk’uburyo bworoshye bwo kubitsa no kwizigamira kugeza ku rwego rwo kubigira umuco.

Si ubwa mbere iyi Sacco ivugwamo ubujura no kunyereza amafaranga kuko tariki ya 19 Gicurasi 2016, uwari umukozi wayo witwa Nsengimana Xavier yashakishwaga nyuma yo gutorokana amafaranga asaga miliyoni 7.

Icyo gihe yatorotse polisi yari yamufashe nyuma y’igenzura ryakozwe rikagaragaza ko hari amafishi agera kuri 35 yabikijweho amafaranga agera kuri miliyoni 7 n’ibihumbi 208 ariko akaba atagaragara mu isanduka ya banki.

Umuvugizi wa Polisi mu Ntara y’i Burasirazuba, IP Emmanuel Kayigi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved