Kwamamaza

Bugesera: Gitifu afungiye kudatanga amakuru y’umuturage bicyekwa ko yishwe n’inkoni

Yanditswe kuya 11-10-2016 saa 07:08' na Emma-Marie Umurerwa


Umunyamabanga Nshingwabikorwa w’Akagari ka Rwinume mu Murenge wa Juru, yatawe muri yombi na Polisi nyuma kudatanga amakuru y’umuturage bivugwa ko yakubiswe n’abantu bataramenyekana bikamuviramo gupfa.

Bagiriwubusa Jean Claude wayoboraga Akagari ka Rwinume, tariki ya 5 Ukwakira 2016, saa mbiri n’igice z’ijoro, yatabajwe n’abaturage bamubwira ko uwitwa Hitimana Gabrielle aryamye mu muhanda hafi y’iwe asa n’uwahwereye.

Umunyamabanga Nshingwabikorwa w’Umurenge wa Julu, Nzabamuhimuzi Benjamin, yatangarije IGIHE ko umuturage yapfuye ku wa Gatandatu, uyu muyobozi agatabwa muri yombi ku cyumweru tariki ya 9 Ukwakira.

Yagize ati "Baramutabaje babonye umuntu uryamye mu muhanda ava amaraso, bacyeka ko yagonzwe ndetse nawe yari afite igare riri hasi iruhande rwe, abandi bagacyeka ko ari ikintu bamukubise. Bagiruwubusa yafatanyije n’abaturage bamujyana ku Kigo Nderabuzima cya Juru, nabo bamwohereza ku Bitaro bya Nyamata, ahageze nabo bamwohereza ku Bitaro bya CHUK ari naho yaguye ku wa gatandatu."

Gitifu Nzabamuhimuzi yakomeje avuga ko uyu muyobozi atigeze atanga amakuru. Ati “Yafatanyije n’abaturage gutabara ariko ntiyigeze atanga amakuru ku nzego zo hejuru. Mu gihe iperereza rigikomeje yatawe muri yombi ubu afungiye kuri sitasiyo ya Polisi ya Rilima.”

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved