Kwamamaza

Bugesera: Mobisol yaremeye imiryango 25 y’abarokotse Jenoside yakorewe abatutsi

Yanditswe kuya 20-06-2015 saa 10:43' na Thamimu Hakizimana


Isosiyete itanga amashanyarazi akomoka ku mirasire y’izuba Mobisol yasuye urwibutso rwa Ntarama inaremera imiryango 25 y’abarokotse jenoside yakorewe abatutsi mu 1994 ituye mu Kagari ka Kanzenze, Akarere ka Bugesera.

Ku wa Gatanu tariki ya 19 Kamena ni bwo bamwe mu bakozi ba Mobisol baremeye imiryango 25 y’abarokotse jenoside yakorewe abatutsi baha buri muryango ihene zokorora mu rwego rwo kugira ngo aya matungo azabashe kubateza imbere mu mibereho yabo ya buri munsi.

Uretse kuba iyi sosiyete itanga amashanyarazi y’imirasire y’izuba Mobisol yarahaye iyi miryango ihene zo korora yanarihiye imiryango 100 itishoboye ubwisungane mu kwivuza (Mituelle de Sante).

Aimable Ngendahayo umuyobozi mukuru ushinzwe ubucuruzi muri Mobisol avuga ko impamvu bahisemo kuremera iyi miryango y’abarokotse batuye muri aka gace ari uko ubwo iyo sosiyete yatangiraga ibikorwa byayo mu Rwanda yahereye muri ako Karere.

Ati “Iki gikorwa cyo kuremera iyi miryango twagitekere mu rwego rwo kugira ngo badaheranwa n’agahinda banabone ko hari abatekereza ndetse no kugira ngo aya matungo azabafashe kwiteza imbere”.

Yakomeje agaragaza ko indi mpamvu yatumye bakora icyo gikorwa, ari uko ari umuco wo gufasha abatishoboye bakomora kuri Perezida Paul Kagame.

Mukamusoni Josephine, umukecuru uri mu kigero cy’imyaka 60 utuye mu Mudugudu wa Rwangara, nyuma yo guhabwa ihene yavuze ko yashimye cyane bitewe n’uko azi neza ko iryo tungo ahawe rizamufasha.

Ati “Ndishimye cyane kuko ndizera ko iri tungo ngiye kubyaza umusaruro ugaragara ikindi ni uko iki gikorwa dukorewe n’aba bagiraneza kitugaragariza ko tudakwiye kwigunga kuko hari abantu badutekereza”.

Iki gikorwa cyo kuremera imiryango 25 yarokotse jenoside yakorewe abatutsi no kurihira mituweli imiryango 100 Mobisol yakoze kikaba gifite agaciro ka miliyoni imwe n’igicey’u Rwanda.

Aimable Ngendahayo umuyobozi mukuru ushinzwe ubucuruzi muri Mobisol atanga ihene

Thamimu Hakizimana


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: info@igihe.com, marketing@igihe.com

Website Developped by

Uru Rubuga Ruheruka Gushyirwaho Amakuru Sunday 13 Ugushyingo 2016
Copyright © 2009 -2014 - IGIHE Ltd - All Rights Reserved