Kwamamaza

Impaka mu muryango wa Kigeli V Ndahindurwa ku ho azatabarizwa

Yanditswe kuya 20-10-2016 saa 06:15' na IGIHE


Abagize Umuryango w’Umwami Kigeli V Ndahindurwa bari mu Rwanda no muri Leta Zunze Ubumwe za Amerika, ntibumvikana ku ho umugogo we wazatabarizwa kuko bamwe bahitamo ko byazakorerwa aho yari atuye abandi ntibabikozwe.

Abagize Umuryango w’Umwami Kigeli V Ndahindurwa bari mu Rwanda, batangaje ko bifuza ko umugogo we ariho wazatabarizwa (uzashyingurwa) aho kuba imahanga aho yatangiye. Ni mu gihe abandi bari muri Leta Zunze Ubumwe za Amerika aho yabaga kuva mu 1992 bifuza ko ariho yazatabarizwa.

Mu itangazo uyu muryango uri mu Rwanda washyize ahagaragara, wavuze ko iki cyifuzo cyo gutabariza Umwami Kigeli V Ndahindurwa mu Rwanda cyaturutse mu biganiro hagati yabo.

Rigira riti “Inama y’umuryango wa Kigeli V Ndahindurwa Jean Baptiste yateraniye i Kigali tariki ya 19 Ukwakira 2016, imaze kubona ko Umwami yatangiye ishyanga;”

“Abagize inama y’umuryango wacu bemeje ko umugogo w’Umwami Kigeli V Ndahindurwa Jean Baptiste watabarizwa mu Rwanda.”

Leta y’u Rwanda iherutse kugaragaza ko yatewe akababaro no kumenya inkuru y’ugutanga kwa Kigeli V Ndahindurwa.

Mu itangazo yashyize ahagaragara kuwa Kabiri tariki ya 18 Ukwakira, Leta yagaragaje ko itaramenyeshwa n’umuryango wa Kigeli V Ndahindurwa gahunda y’itabarizwa [ishyingurwa] rye ndetse n’aho rizabera, iryo tangazo rigira riti "Nibamara gutangaza imiterere ya gahunda bagennye, leta yiteguye gutanga ubufasha ubwo ari bwo bwose bukenewe."

Umuryango w’Umwami Kigeli V watangaje ko wishimiye ubushake bwa Leta y’u Rwanda mu gufasha mu itabarizwa ry’Umwami Kigeli V Ndahindurwa.

Wagize uti “Umuryango urashimira byimazeyo Abanyarwanda muri rusange na Guverinoma y’u Rwanda by’umwihariko inkunga yemereye umuryango wacu mu mihango yose izakurikira.”

Umwami Kigeli V yatanze mu ijoro ryo kuwa Gatandatu rishyira ku Cyumweru tariki 16 Ukwakira 2016 azize uburwayi bw’iza bukuru. Yaguye mu Mujyi wa Oakton muri Leta ya Virginia, muri Leta Zunze Ubumwe za Amerika.

Abagize Umuryango wa Kigeli V Ndahindurwa bemeje ko yazatabarizwa mu Rwanda

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved