Christian University of Rwanda yatanze amahirwe ya buruse ku banyeshuri 100

Yanditswe na Tombola Felicie
Kuya 15 Nzeri 2017 saa 04:41
Yasuwe :
0 0

Indangagaciro umwana atozwa kuva mu muryango, uburere n’amasomo ahabwa ahereye mu mashuri abanza kugeza muri kaminuza nibyo bigena iterambere ritajegajega ry’ahazaza he, ah’umuryango n’igihugu muri rusange.

Uru rugendo rwo kuva ku mwana w’igitambambuga kugeza arangije kaminuza rusaba kwihangana no kwiyemeza gusa biba byiza iyo uri mu biganza by’ubuyobozi bukwitaho bukakorohereza mu myigire.

Muri uru rugamba, Christian University of Rwanda, Kaminuza imaze gushinga imizi mu gutanga uburezi buhamye, yatanze amahirwe yo kubona buruse ku banyeshuri 100 baziyandikisha bwa mbere mu mashami yayo yose arimo iry’i Karongi aho yaboneye izuba n’iryo mu Mujyi wa Kigali.

Umuyobozi ushinzwe kwandika abanyeshuri (Academic Registrar) muri Christian University of Rwanda, Hakizimana Dieudonné, yatangarije IGIHE ko batanze amahirwe ku banyeshuri bashaka kuyigamo mu mwaka w’amashuri wa 2017-2018.

Yagize ati “Muri Christian University ibiciro by’amasomo bisanzwe biri hasi ugereranyije n’ahandi, ibi bigamije kugira ngo Umunyarwanda abone uburezi bufite ireme kandi budahenze. Ubu kwiyandikisha mu mwaka w’amashuri ugiye gutangira ni ubuntu kugeza tariki ya 16 Ukwakira 2017 ubwo amasomo azaba atangiye.”

Yakomeje agira ati “Ibiciro by’amasomo nabyo twabigabanyije kuko abashaka kuzigira mu Karere ka Karongi ku cyicaro gikuru bagabanyirijweho 36% ku banyeshuri 100 ba mbere baziyandikisha kuri buri shami. Ku baziyandikisha ku Ishami rya Kigali riherereye muri Centre Pastoral Saint Paul bo bagabanyirijweho 26%.”

Icyicaro cya Christian University of Rwanda

Hakizimana yasobanuye ko abaziyandikisha nyuma yaho nabo bazakirwa ariko ku biciro bisanzwe. Umunyeshuri wiga muri Christian University of Rwanda yishyura ibihumbi 500 by’amafaranga y’u Rwanda ku mwaka.

Mu Rwanda no mu mahanga buruse zitangwa mu buryo butandukanye, hari aho umunyeshuri yishyurirwa amafaranga yose y’ishuri, abatangirwa igice cyayo cyangwa undi mugabane bitewe n’icyo kaminuza yagennye.

Christian University of Rwanda yakira abantu bose idashingiye ku idini ahubwo itanga uburezi bujyanye n’indangagaciro nyarwanda zuzuzanya n’iza gikirisitu.

Amasomo yo muri iyi kaminuza atangwa ku manywa, ku mugoroba no mu mpera z’icyumweru. Abaharangije bahabwa impamyabumenyi yo ku rwego rw’icyiciro cya Kabiri cya Kaminuza (Bachelors), gusa mu minsi ya vuba izatangiza n’amasomo y’igihe gito na Masters.

Christian University of Rwanda ifite amashami umunani

- Bachelor of Science (Hons) in Information Technology (IT)
- Bachelor of Science (Hons) in Agribusiness
- Bachelor of Science in Business Management (BBM)
- Bachelor of Science (Hons) in Finance
- Bachelor of Education (BED) in Computer Science
- Bachelor of Education (BED) in English and French
- Bachelor of Education (BED) in Kinyarwanda and Kiswahili
- Bachelor of Arts (BA.Hons) in Journalism
- Bachelor of Arts (BA.Hons) in Mass Communication
- Bachelor of Arts (BA.Hons) in Public Relations

Iyi kaminuza ifasha abayirangirijemo gukora imishinga iterwa inkunga n’ibigo by’ishoramari kugira ngo bashobore kwihangira imirimo.

CHUR imaze imyaka ibiri ikorera mu Rwanda ifite icyicaro mu Karere ka Karongi mu Ntara y’Iburengerazuba aho yanditse amateka yo kuba ariyo ya mbere yahageze bwa mbere. Iri shami ryakira abanyeshuri b’ingeri zose barimo abaturuka mu turere twa Rutsiro, Nyamasheke, Rusizi, Ngororero na Muhanga.

Muri Gashyantare 2017, yatangije ishami i Kigali muri Centre Pastoral Saint Paul aho byoroheye buri wese kuza kuhigira dore ko ari mu Mujyi wa Kigali rwagati.

Uburyo bwo kwiyandikisha

Abashaka kwiyandikisha bitwaza fotokopi y’indangamuntu, fotokopi ya diplôme isoza amashuri yisumbuye, indangamanota eshatu z’imyaka ya nyuma yo mu mashuri yisumbuye n’amafoto abiri magufi.

Uwiyandikisha anyura ku rubuga rwa kaminuza www.chur.ac.rw cyangwa akazana ibisabwa aho kaminuza ikorera haba i Karongi no mu Mujyi Centre Pastoral Saint Paul mu Mujyi wa Kigali.

Ukeneye ibindi bisobanuro wabandikira kuri [email protected] cyangwa ugahamagara kuri 0788310048 na 0789850000 (Kigali) no kuri 0788310048 na 0783052653 (Karongi).

Ushobora nogusura urubuga rwabo rwa Facebook: https://www.facebook.com/Christian-University-of-Rwanda-1946595352274783/

Christian University of Rwanda ifite amashami menshi yiganjemo ayifuzwa ku isoko ry'umurimo
Christian University of Rwanda yagabanyije igiciro ku banyeshuri 100 ba mbere baziyandikisha muri buri shami

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza