Kwamamaza

CNLG ikeneye asaga miliyari eshanu mu kubika inyandiko za Gacaca mu ikoranabuhanga

Yanditswe kuya 29-10-2016 saa 09:38' na Mukaneza M.Ange


Komisiyo y’Igihugu yo kurwanya Jenoside (CNLG), yatangaje ko hakenewe miliyari 5.5 kugira ngo irangize kubika mu buryo bw’ikoranabuhanga inyandiko zigera kuri miliyoni 60 zirebana n’Inkiko Gacaca.

Ibi byatangajwe kuwa Kane na Perezida wa CNLG, Dr John Rutayisire ubwo yagezaga ku Nteko Ishinga Amategeko raporo y’umwaka wa 2015/16 na gahunda y’ibikorwa biteganyijwe mu mwaka w’ingengo y’imari wa 2016/17.

Rutayisire yasobanuye ko kugeza ubu bamaze kubika mu buryo bw’ikoranabuhanga inyandiko zigera kuri miliyoni 2.4 ariko ko ko miliyoni 420 z’amafaranga y’u Rwanda leta yateganyirije iki gikorwa muri uyu mwaka w’ingengo y’imari adahagije.

Yakomeje avuga ko CNLG izakomeza gukorana n’abandi bafatanyabikorwa kugira ngo amafaranga yose akenewe muri iki gikorwa aboneke.

The Newtimes dukesha iyi nkuru ivuga ko ariya mafaranga akenewe ari ayo kubika inyandiko zose z’imanza zaciwe na Gacaca mu buryo bw’ikoranabuhanga ndetse n’izindi zifashishijwe mu buryo bw’ikoranabuhanga (soft copies) mu rwego rwo kugira ngo uzikenewe azigereho mu buryo bwihuse.

Kuri ubu izo nyandiko zibitswe mu bikarito biri mu biro bikuru bya Polisi y’igihugu ku Kacyiru.

Mu bikorwa bitandukanye bimaze gukorwa mu bijyanye no kubika neza izi nyandiko harimo gukora inyigo z’uburyo bizakorwa, gutegura ahazabikwa inyandiko zirebana na Gacaca ndetse no gutangira kuzibika.

Uretse ibikorwa bijyanye no kubika inyandiko zirebana n’inkiko Gacaca, muri uyu mwaka w’ingengo y’imari, CNLG izakomeza kwita no kurinda inzibutso za Jenoside yakorewe abatutsi ziri hirya no hino mu gihugu.

Izakomeza kandi kurwanya abahakana Jenoside ibinyujije mu gutangaza amakuru ya nyayo ku byabaye mu Rwanda mu 1994.

Mu bindi biteganyijwe ni ugukomeza urugendo rwo guharanira ko urwibutso rwa Jenoside rwa Kigali ruri ku Gisozi, urwa Ntarama mu karere ka Bugesera, Murambi muri Nyamagabe na Bisesero mu karere ka Karongi zashyirwa mu murage w’isi.

Kwemeza ko izi nzibutso zashyirwa mu murage w’isi bizasuzumirwa mu nama Ishami ry’Umuryango w’Abibumbye ryita ku burezi, ubumenyi n’umuco(UNESCO) muri Gashyantare 2018.

CNLG kandi irateganya gukora ubushakashatsi bwimbitse ku ihungabana rigaragara mu barokotse n’abandi banyarwanda rikunze kugaragara cyane cyane mu gihe cyo kwibuka.

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved