CNLG mu myiteguro yo kwibuka ku nshuro ya 23 Jenoside yakorewe Abatutsi

Yanditswe na Kanamugire Emmanuel
Kuya 20 Ugushyingo 2016 saa 07:30
Yasuwe : XX
0

Komisiyo y’Igihugu yo kurwanya Jenoside, CNLG, yagiranye inama n’abafatanyabikorwa bayo, igamije gutegura ibikorwa byo kwibuka ku nshuro ya 23 , Jenoside yakorewe Abatutsi mu 1994.

Inzego zifite aho zihuriye n’ibijyanye n’imyiteguro yo kwibuka zirimo Ibiro by’Ubuvugizi bwa Guverinoma, OGS, Dukundane Family, AERG, GAERG, IBUKA, Minisiteri y’Ububanyi n’Amahanga, Umuryango uharanira Amahoro no kwamamaza urukundo (PLP), zari zatumiwe.

Umunyamabanga Nshingwabikorwa wa Komisiyo y’Igihugu ishinzwe kurwanya Jenoside, Dr Jean Damascène Bizimana, yabwiye Ibiro Ntaramakuru by’u Rwanda ko kwitegura hakiri kare ari byo bituma ibikorwa byo kwibuka bigenda neza.

Dr Bizimana yasabye abitabiriye iyi nama gutekereza ku nsanganyamatsiko izagenderwaho, ingamba zo gushishikariza abaturage kuzitabira no gutegura neza urugendo rwo kwibuka ndetse n’ibikorwa bisoza icyumweru cyo kwibuka.

Nyuma yo kungurana ibitekerezo kw’abitabiriye iyi nama, Dr Bizimana yasabye inzego zinyuranye ko zazagira uruhare mu bikorwa byo kwibuka.

Yanasabye akanama gashinzwe ibikorwa byo kwibuka muri CNLG gutegura indi nama mu rwego rwo kurushaho kunoza imyiteguro yo kwibuka ku nshuro ya 23 Jenoside yakorewe Abatutsi.

Umunyhamabanga Nshingwabikorwa wa Komisiyo yo Kurwanya Jenoside, Dr Jean Damascène Bizimana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza