Depite Nyandwi Desideri yitabye Imana

Yanditswe na Philbert Girinema
Kuya 14 Ukwakira 2016 saa 10:19
Yasuwe :
0 0

Depite Nyandwi Désiré(Desideri) wari umwe mu bagize Inteko ishinga amategeko, umutwe w’Abadepite, yitabye Imana, kuri uyu wa Gatanu tariki ya 14 Ukwakira 2016.

Inteko Ishinga Amategeko y’u Rwanda ibinyujije ku rukuta rwayo rwa Twitter, yatangaje ko ibabajwe n’urupfu rwa Depite Nyandwi Désiré aguye mu bitaro byitiriwe Umwami Faisal.

Depite Nyandwi Joseph Désiré mbere y’uko ajya mu Nteko Ishinga Amategeko, yabaye umuyobozi mu nzego zitandukanye. Kuva kuwa 29 Ukwakira 1994 kugera 07 Gashyantare 1999 yari Perefe w’iyahoze ari Perefegitura ya Gitarama.

Kuva kuya 08 Gashyantare 1999 kugera kuya 19 Werurwe 2000 yabaye Minisitiri w’Ubutegetsi bw’Igihugu mu gihe kuva kuya 11 Werurwe 2000 kugera kuya 15 Ugushyingo 2002 yari Minisitiri w’Ubutegetsi bw’Igihugu n’Imibereho myiza y’Abaturage.

Kuva kuya 20 Ugushyingo 2002 kugera kuya 22 Kanama 2003 yari umwe mu bagize Inteko Ishinga amategeko y’inzibacyuho, aba umudepite uhagarariye RPF mu Nteko Ishinga Amategeko kuva kuwa 10 Ukwakira 2003.

Yitabye Imana afite imyaka 62 kuko yavutse kuya 04 Werurwe 1954.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244