Kwamamaza

Dr Donald Kaberuka yagizwe umuyobozi mu kigo cy’ishoramari cya Kenya

Yanditswe kuya 12-10-2016 saa 16:03' na Cyprien Niyomwungeri


Ikigo cy’Ishoramari cya Kenya, Centum Investments, cyashyizeho abayobozi ngishwanama bane barimo Dr.Donald Kaberuka, umunyarwanda wahoze ayobora Banki Nyafurika itsura amajyambere (AfDB).

Centum ni ikigo cy’ishoramari cya Leta kibarizwa mu kigo cya leta gishinzwe iterambere ry’ubucuruzi n’inganda (ICDC). Intego y’ibanze ya ICDC ni ugufasha ishoramari ry’Abanya-Kenya mu bukungu bw’igihugu no gutera inkunga ubucuruzi n’inganda byo muri Kenya kugira ngo bitere imbere.

Nyuma yo kuyobora Banki Nyafurika Itsura Amajyambere imyaka 10, Dr Donald Kaberuka ahagarariye Umuryango w’Ubumwe bwa Afurika mu bijyanye n’ikigega cyo gutera inkunga ibikorwa byo kubungabunga amahoro, ari mu nama y’ubuyobozi bw’ihuriro ry’ubukungu ku Isi (World Economic Forum), mu muryango Mo Ibrahim n’ahandi.

Izi nshingano azihawe nyuma y’uko muri Kanama uyu mwaka Perezida Magufuli wa Tanzania ashimye ibikorwa bye, akamushinga kuyobora akanama kagenzura imikoranire ya Guverinoma y’icyo gihugu n’abafatanyabikorwa bayo mu iterambere.

Ni na nyuma y’uko Perezida Kagame amushyize mu itsida rizamufasha kuvugurura imikorere ya Komisiyo y’Umuryango wa Afuruka yunze Ubumwe.

Abandi bagizwe abayobozi ngishwanama muri icyo kigo, harimo William Byaruhanga, Intumwa Nkuru ya Uganda, akaba ari inzobere mu bijyanye n’ishoramari n’amategeko y’ubucuruzi.

Hari kandi Catherine Igathe uyobora Ikigo Mpuzamahanga cy’Ubwishingizi AIG muri Kenya ( AIG Kenya Insurance Company Limited) na Mary Githiaka Ngige wahoze ayobora Ikigo cy’Ubucuruzi CMC Holdings muri Kenya.

Gushyiraho aba bayobozi ngishwanama bibaye nyuma y’amabwiriza y’Ikigo cy’Imari n’Imigabane muri Kenya.

Imigabane ya Centum ibarizwa ku isoko ry’Imari n’Imigabane rya Kenya (NSE) n’irya Uganda (USE), mu minsi mike kirateganya no kuyishyira ku isoko ry’imari n’imigabane rya Dar es Salaam n’iry’u Rwanda.

Muri Werurwe uyu mwaka umutungo mbumbe wa Centum wabarirwaga muri miliyoni 518.2 z’amadolari ni ukuvuga miliyari 51.5 z’amashilingi ya Kenya.

Dr Kaberuka yagizwe umwe mu bagishwanama ba Centum Investments

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved