Kwamamaza

Dr. Leopold Munyakazi uregwa ibyaha bya Jenoside aragezwa mu rukiko

Yanditswe kuya 11-10-2016 saa 08:09' na Rabbi Malo Umucunguzi


Dr Leopold Munyakazi uregwa ibyaha bya Jenoside aragezwa imbere y’Urukiko rw’Ibanze rwa Nyarugunga kuri uyu wa Kabiri, aho agomba kumenyeshwa ibyaha akurikiranyweho.

Munyakazi aregwa ibyaha birimo gukora Jenoside yakorewe abatutsi mu 1994, ubufatanyacyaha muri Jenoside, gutsemba imbaga n’ubwicanyi nk’icyaha cyibasiye inyokomuntu. Akekwaho ibyaha bivugwa yaba yarakoreye i Kayenzi, ubu ni mu Karere ka Kamonyi.

Uyu mugabo w’imyaka 66 wigeze no kuba umwarimu mu ryahoze ari Ishuri Rikuru Nderabarezi (KIE) ubu ryabaye rimwe mu mashuri ya Kaminuza y’u Rwanda, yavuye mu gihugu mu 2004, atangira kwaka ubuhunzi muri Leta Zunze Ubumwe za Amerika.

Gusa hari nyuma y’imyaka itanu arekuwe by’agateganyo mu 1999 ariko agikorwaho iperereza. U Rwanda rwatanze impapuro zo kumuta muri yombi mu 2008 ndetse na Leta Zunze Ubumwe za Amerika zitahura amakosa mu buryo yasabyemo ubwenegihugu, ahita abwamburwa ndetse byemezwa ko agarurwa mu Rwanda.

Mu kiganiro na The New Times, Umuvugizi w’Ubushinjacyaha Nkusi Faustin yavuze ko biteguye gutangira kuburana, nyuma yo kuregera urukiko mu cyumweru gishize.

Nkusi yavuze ko Ubushinjacyaha bubanza kumusabira gufungwa iminsi 30 y’agateganyo, kugira ngo ibimenyetso mu rubanza rwe bikusanywe neza.

Ubwo Munyakazi yagezwaga ku Kibuga Mpuzamahanga cy’Indege cya Kigali i Kanombe, Nkusi yabwiye itangazamakuru ko Ubushinjacyaha buzaregera Urukiko rw’ibanze rwa Nyarugunga mu Mujyi wa Kigali, ariko urubanza rukazaburanishirizwa mu Karere ka Muhanga.

Dr Munyakazi ubwo yazanwaga mu Rwanda

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved