DRC:Urugo rwa Etienne Tshisekedi ruzengurutswe na Polisi

Yanditswe na Kanamugire Emmanuel
Kuya 20 Ugushyingo 2016 saa 08:41
Yasuwe : XX
0

Inzego zishinzwe umutekano muri Repubulika Iharanira Demokarasi ya Congo zazengutuse urugo rwa Etienne Tshisekedi utavuga rumwe n’ubutegetsi, mu rwego rwo kuburizamo imyigaragambyo y’ishyaka rye rya UDPS.

Tshisekedi asaba Perezida Joseph Kabila kuva ku butegetsi, igihe manda ye izaba igeze ku musozo mu kwezi gutaha kwa 12.

BBC ivuga ko n’abayobozi mu Muryango w’Abibumbye bari kubuzwa kwegera inzu y’umuyobozi w’uruhande rutavuga rumwe na leta, Etienne Tshisekedi ndetse yarindishijwe inzego z’umutekano.

Kabila yavuze ko amatora y’Umukuru w’Igihugu yo mu kwezi kwa 12 agomba gusubikwa kugeza mu mwaka utaha kubera impamvu z’ubushobozi.

Ku wa 14 Ugushyingo, uwari Minisitiri w’Intebe Augustin Matata Ponyo yatangaje ko yeguye, hashize iminsi mike Kabila yahise ashyiraho Minisitiri mushya, Samy Ba.

Kuki abapolisi bashyizwe ku rugo rwa Etienne Tshisekedi?

Radio Okapi yanditse ko abapolisi benshi bashyizwe ku rugo rwa Etienne Tshisekedi mu rwego rwo kuburizamo imyigaragambyo yari yateguwe n’ishyaka rye rya UDPS, isaba Perezida Kabila kuva ku butegetsi ubwo manda ye izaba igeze ku musozo ku wa 19 Ukuboza 2016.

Hagati aho nta n’inama y’ishyaka yemewe guterana, inzego z’ubutegetsi zategetse ko nta myigaragambyo ya Politiki yemewe kuba ku butaka bwa Kinshasa.

Umunyamakuru wa RFI uri mu ri ako gace Sonia Rolley, avuga ko abapolisi benshi bari kuzenguruka mu gace kagombaga kuberamo inama y’ishyaka rya Etienne Tshisekedi.

Abarwanashyaka ba UDPS, ishyaka rya Etienne Tshisekedi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza