Kwamamaza

Expo y’abakora ibijyanye n’Ubwubatsi izamenyekanisha ibikorerwa mu Rwanda bitari bizwi

Yanditswe kuya 22-11-2016 saa 10:08' na Tombola Felicie


Ikompanyi ya Rwanda Home yateguye imurikagurisha ry’ibikoresho byifashishwa mu bwubatsi rizitabirwa n’ababicuruza, ababigura n’ibigo by’imari n’amabanki, mu rwego rwo gufasha buri wese kubona ibyo akeneye ngo yubake cyangwa asane inzu; yatangaje ko ari uburyo bwiza bwo kumenyekanisha ibikorerwa mu Rwanda kuko usanga hari ibigo bito bitazwi nyamara bikora ibintu byiza.

Mu kiganiro n’abanyamakuru kuri uyu wa Mbere tariki ya 21 Ugushyingo 2016, Mulari Phillip, Umuyobozi wa Rwanda Home yatangaje ko intego yabo ari uguhuza ibigo bito, ibinini ndetse n’abaguzi kugira ngo baborohereze kubona serivisi.

Ati “Iri murikagurisha turimo gutegura rizahuza abantu basanzwe bakenerana bamenyane, ufite ibikoresho by’ubwubatsi ahure n’ababikeneye. Ikindi ni uko ari uburyo bwiza bwo kumenyekanisha ibigo bito bikora ibintu byiza hirya no hino mu ntara ariko ugasanga bitazwi. Twifuza ko gufata indege ukajya kugura amakaro cyangwa ibindi bikoresho hanze y’igihugu, kandi no mu Rwanda bihakorerwa byacika ahubwo abantu bakabona amakuru yaho babikura kuko usanga aricyo kibura.”

Mulari yakomeje avuga ko mu rwego rwo gucyemura icyo kibazo cyo kutabona amakuru ahagije mu bijyanye n’ubwubatsi, uwo munsi wa expo bazatangiza ku mugaragaro urubuga www.rwandahome.com ruzaba ari isoko rihuza abakeneye ibikoresho by’ubwubatsi n’ababicuruza, amabanki atanga inguzanyo mu kubaka n’abazikeneye ndetse by’umwihariko hakabonekaho n’amakuru yose ajyanye n’imyubakire.

Ati “Ku rubuga rwacu uzajya usangaho amakuru yose akenewe, niba ushaka kugura inzu, ikibanza, kumenya ibijyanye n’igishushanyo mbonera byose uzajya ubihasanga.”

Mugabe Pascal ushinzwe guteza imbere ibikorwa ndetse n’ikoranabuhanga muri Rwanda Home yemeza ko biteze umusaruro muri iri murikagurisha kuko ntawe uzongera guhendwa n’abakomisiyoneri.

Ati “Twiteze umusaruro mwiza nyuma ya expo kuko buri wese azaba azi uwo yaguraho ibikoresho byizewe ndetse na nyuma yaho bazaba bazi urubuga rwacu rwabafasha kubona amakuru yose.”

Iri murikagurisha rizajya ritangira saa yine z’amanywa rigeze saa yine z’ijoro mu rwego rwo korohereza abakora akazi ko mu biro kageza nimugoroba kuhagera nabo bakagura ibyo bifuza.

Rifite umwihariko w’uko uzaryitabira azabona intebe, ibitanda, imitako,utubati, za beto,amarangi, inzugi, amadirishya , amakuru yaho yagura ikibanza, inzu zigurishwa n’ibindi.

Ubuyobozi bwa Rwanda Home buvuga ko iri murikagurisha ririmo udushya kuko ibigo bizaba byagabanyije ibiciro mu buryo bufatika kubera iminsi mikuru ya Noheli n’Ubunani izaba yegereje.

Ikindi ni uko hazaba harimo ibikorwa by’imyidagaduro yose ku bana n’abakuru, harimo ibiribwa n’ibinyobwa bizafasha abazabyitabira kuticwa n’inzara.

Mugabe Pascal ushinzwe guteza imbere ibikorwa ndetse n’ikoranabuhanga muri Rwanda Home yemeza ko biteze umusaruro muri iri murikagurisha
Umuyobozi wa Rwanda Home, Mulari Phillip atangaza ko bafite intego yo guhuza ibigo bito n'ibinini n'abakiriya babo
Abayobozi ba Rwanda Home basobanurira itangazamakuru ibijyanye n'imurikagurisha

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved