Kwamamaza

Fazil yashimangiye ko ishyaka PDI ritazatezuka ku gushyigikira Perezida Kagame mu 2017

Yanditswe kuya 6-11-2016 saa 11:04' na Bazatsinda Jean Claude


Umuyobozi w’Ishyaka Ntangarugero muri Demokarasi (PDI), Sheikh Musa Fazil Harerimana, wari uherutse kuvuga ko Perezida Kagame ari ‘Baba wa Taifa’, yasabye abayoboke b’iryo shyaka kwitegura kare no kuzitabira amatora y’Umukuru w’Igihugu azaba mu mwaka utaha.

Fazil ntiyahwemye kuvuga ko kuva muri 2010 ishyaka rye ryatanze umukandida uzahatanira umwanya wa Perezida wa Repubulika muri 2017.

Mu kiganiro aherutse kugirana na IGIHE, Fazil yagize “Twebwe muri PDI kuva mu 2010 twatanze umukandida, ibyo nta n’ubwo tuzabisubiramo mu nama nkuru yacu. Twasabye abaturage ngo muhindure Itegeko Nshinga, kugira ngo Perezida wa Repubulika Paul Kagame akomeze atuyobore kubera ubushobozi tumubonana n’ibyo aturusha. Abaturage barabyemeye bararihindura, ubwo rero twebwe nta n’inama tuzakora duhitamo undi mukandida, ni we mukandida wacu.”

Ubwo yari mu Karere ka Musanze kuri uyu wa Gatandatu tariki ya 5 Ugushyingo 2016, mu gusobanura amategeko agenga komite nkemurampaka y’iri shyaka banategura amatora ya 2017, Fazil yashimangiye ko bagihagaze ku gitekerezo cyo gushyigikira Perezida Kagame.

Ati “Twe icyo dushyigikiye ni iterambere rishingiye ku kwishyira ukizana. Ibyo twabigezeho kandi icyifuzo cyacu twagitanze mbere turacyagikomeje tuzashyigikira umukandida ubereye abanyarwanda kandi ubishoboye kuko nitwe twifuje ko Paul Kagame yakomeza akatuyobora.”

Umuyobozi wa PDI ku rwego rw'igihugu,Sheikh Musa Fazil Harerima

Yakomeje asaba abanyamuryango b’iri shyaka kuzitabira amatora y’Umukuru w’Igihugu ateganyijwe mu mwaka wa 2017 kandi bagatora neza.

Umuyobozi wa PDI,Sheikh Musa Fazil Harerima
Umunyamabanga Mukuru wungirije wa PDI, Ndangiza Madina

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved