Gakenke: LAF yashyikirije abatishoboye miliyoni 7 batsindiye ibunganiye

Yanditswe na Claude
Kuya 22 Ukwakira 2014 saa 09:32
Yasuwe :
0 0

Itsinda ry’abarutage 19 mu Murenge wa Kamubuga, Akarere ka Gakenke, ryafashijwe kuburana rigatsindira ingurane ku butaka bwaciwemo umuhanda, ryashyikirijwe amafaranga y’u Rwanda angana na miliyoni ndwi n’ibihumbi 800.
Abahagarariye Ihuriro ry’Imiryango Itanga Ubufasha mu by’Amategeko (Legal Aud Forum/LAF) bashykirije aba baturage aya mafaranga kuri uyu wa 22 Ukwakira 2014, nyuma y’ aho iri huriro ribafashije kuburana rikanabatangira amafaranga y’icarubanza (matoleo) n’izindi nyandiko z’ibyo (...)

Itsinda ry’abarutage 19 mu Murenge wa Kamubuga, Akarere ka Gakenke, ryafashijwe kuburana rigatsindira ingurane ku butaka bwaciwemo umuhanda, ryashyikirijwe amafaranga y’u Rwanda angana na miliyoni ndwi n’ibihumbi 800.

Abahagarariye Ihuriro ry’Imiryango Itanga Ubufasha mu by’Amategeko (Legal Aud Forum/LAF) bashykirije aba baturage aya mafaranga kuri uyu wa 22 Ukwakira 2014, nyuma y’ aho iri huriro ribafashije kuburana rikanabatangira amafaranga y’icarubanza (matoleo) n’izindi nyandiko z’ibyo batsindiye angana na 9000 by’amanyarwanda bari barayabuze.

Kubura aya mafaranga byaturutse ku kuba ikirego baragitanze mbere y’uko amafaranga y’amagarama y’urubanza yakubwe inshuro 12,5 mu gihe batangiye urubanza zigurwa amafaranga y’u Rwanda 100 gusa kuri buri paji muri 11 bagombaga kwishyura.

Abaturage bashimishijwe n'ubutabera bahawe mu nkiko zisigaye zihenze kandi bo ubwabo batishoboye

Aba baturage bashyikirije iki kibazo itsinda riturutse muri LAF kuwa 27 Gashyantare 2014 nk’uko ryabafashije rikabaha ubunganira mu by’amategeko ubwo baregaga MTN yacishije umuhanda mu masambu yabo ugana ku munara igatinda kubaha ingurane.

Byari ibyishimo ubwo bashyikirizwaga aya mafaraga batsindiye. Buri wese yabanje kwibutswa ingurane akwiye guhabwa hagendewe ku buso bw’ubutaka yaburanaga.

Abenshi muri bo nti bazi gusoma ku buryo umubare munini wabo batibukaga amafaranga batsindiye; icyo LAF yabafashije ni ukubafunguriza konti mu Murenge SACCO wa Kamubuga kuri uyu munsi ikaba yagiye kubereka uko amafaranga yabo yagezeho.

Hari abahawe ingurane y’amafaranga y’u Rwanda ibihumbi bigera kuri 800, ibihumbi 700, kumanura kugeza ku bihumbi 200.

Boshyuwenda Thacien, yagize ati “Icyo tutabashaga kwikorera iri huriro rirakidukoreye. Mumaze kudushyikiriza ibyacu, biratunganye.”

Aba baturage bagaragaje ko noneho basobanukiwe neza ko nubwo amagarama yongerewe bitabujije ko babonye ubutabera babikesheje LAF, ndetse hari n’abandi batishoboye bafite amahirwe ku butbera mu Rwanda.

Frank Mugisha Ushinzwe Gahunda muri LAF, yasobanuye ko bagejejweho iki kibbazo giturutse mu buyobozi bw’akarere ndetse no mu bakora mu Nzu y’Ubutabera (MAJ), kikabanza kigahabwa umwanya wo gukemuka habaye ibiganiro gusa, ariko birangira kigiye mu butabera kuko MTN isa n’aho yatinze kwishyura ingurane.

Byari byitezwe ko amafaranga MTN yagombaga guha buri muturage 50 000 Rwf by’indishyi y’akababaro, 100 000 Rwf by’ingendo bakoraga basiragizwa n’imanza mu myaka itatu, n’asaga 500,000 yo kuba yaravogeye umutungo wa rubanda itabiherewe uburenganzira, ariko aya yanyuma akaba yarasubiwemo hagendewe ku gaciro nk’ingurane z’ubutaka bwabo.

Mugisha yagize ati “Tunezezwa n’uko abaturage babonye ubutabera.” Yakomeje asaba aba baturage kureba icyo babyaza aya mafaranga agira ati “ Mukwiye kuyabyaza umusaruro mugaha n’abandi akazi.”

Umwe mu bahawe ingurane asobanuriwa ko amafaranga yageze kuri konti

Aba baturage bazitiwe n’iyongerwa ry’amagarama y’urubanza nyuma y’aho mu nkiko z’ibanze umuntu yishyuraga amafaranga y’u Rwanda 2000 ubu akaba yishyura ibihumbi 25; mu nkiko zisumbuye yavuye ku 4000 aba ibihumbi 50; mu rukiko rukuru n’urw’ubucuruzi, yavuye ku 6000 ishyirwa ku bihumbi 75 mu gihe mu rw’ikirenga yavuye ku 8000 agashyirwa ku bihumbi 100.

Ibi byakozwe mu rwego rw’ubukangurambaga bufasha abaturage kujya bakemurira ibibazo mu miryango no mu nzego z’ibanze batarinze kugana inkiko kuko zitabahenda bonyine ahubwo zikora no ku mutungo wa Guverinoma.

Ubwo Itsinda rya LAF ryagezwagaho ikibazo cya Matoleo muri Gashyantare 2014

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza