Kwamamaza

Gasabo: Bane bahitanwe n’impanuka y’imodoka

Yanditswe kuya 31-10-2016 saa 08:22' na IGIHE


Abantu bane bahitanwe n’impanuka y’imodoka, abandi babiri barakomereka ubwo yarengaga umuhanda mu Mudugudu wa Bisenga, Akagari ka Bisenga, Umurenge wa Rusororo mu Karere ka Gasabo.

Iyi mpanuka yabaye mu ma saa tanu z’amanywa kuri iki cyumweru tariki ya 30 Ukwakira 2016, aho bita ku Cyagakwerere. Imodoka Jeep Toyota yari itwawe na Nzaramba François, yataye umuhanda igonga abanyamaguru bane bahita bitaba Imana, babiri muri bari bayirimo barakomereka harimo n’umushoferi.

Ababonye iyi mpanuka iba batangaje ko ishobora kuba yatewe n’umuvuduko mwinshi iyi modoka yari ifite.

Umuvugizi wa Polisi y’u Rwanda ishami rishinzwe umutekano wo mu muhanda, CIP Emmanuel Kabanda, yatangaje ko iyo mpanuka yahitanye abantu bane ikomeretsa babiri, gusa ngo baracyakurikirana icyayiteye.

Ati "Imodoka Jeep Toyota yataye umuhanda igonga abanyamaguru bane bahita bapfa abandi babiri barakomereka. Imodoka yarimo abantu batandatu, babiri muri bo harimo n’uwari uyitwaye bakomeretse abandi bane bavamo ntacyo babaye. Impamvu yatumye irenga umuhanda ntiramenyekana, iperereza ryatangiye."

Iyi mpanuka ije ikurikira indi ikomeye iherutse kubera mu Karere ka Kamonyi muri uku kwezi, aho ikamyo ya rukururana yagonze coaster maze abantu 11 bahasiga ubuzima abandi 18 barakomereka.

Iyi modoka yarenze umuhanda igonga abanyamaguru bane bahasiga ubuzima

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved