Kwamamaza

Gasabo: Urubyiruko rwa YURI rwakoze umuganda ufite agaciro ka miliyoni zirindwi

Yanditswe kuya 21-11-2016 saa 12:37' na Thamimu Hakizimana


Urubyiruko rwibumbiye mu Muryango YURI (Youth Unity Rwanda/Imihigo) rwakoze umuganda udasanzwe mu ishyamba rya Leta riherereye mu Murenge wa Jali mu Karere ka Gasabo ufite agaciro ka miliyoni zirindwi mu rwego rwo kuribungabunga no kwirinda ko amazi y’imvura ariturukamo yateza ibiza mu baturage.

Uyu muganda wakozwe kuwa Gatandatu, tariki ya 19 Ugushyingo 2016, wahuriyemo abaturage, urubyiruko rwa YURI rwiga muri Kaminuza zitandukanye zo mu Rwanda rugera ku bihumbi bitatu rufatanyije na polisi n’ingabo z’igihugu.

Umuyobozi Mukuru wa YURI, Rwamushana Dominic yavuze ko bahisemo gukora uyu muganda kugira ngo nabo bagire uruhare mu kwesa imihigo igihugu cyihaye yo kubungabunga ibidukikije.

Yagize ati “Ibi twabikoze kubera ko nk’urubyiruko rwa YURI twiyemeje ko twazajya tugira igikorwa kimwe byibura rimwe mu gihembwe dukoresheje ingufu zacu twifatanyije n’ababyeyi bacu bahora baturihira amafaranga y’ishuri kugira ngo imihigo uturere twahize natwe tuyigiremo uruhare.”

Umunyamabanga Nshingwabikorwa w’Umurenge wa Jali, Mapambano Nyiridandi, yashimangiye ko uyu muganda ufite agaciro ka miliyoni zirindwi ndetse anashimira uru rubyiruko rwawukoze.

Yagize ati “Twabyishimiye cyane kuko icya mbere biri muri gahunda yo kubungabunga ibidukikije, ikindi kandi biratuma iri shyamba ritangirika ndetse n’amazi ariturukamo adateza ibiza mu baturage.”

Yakomeje asaba abaturage bo Murenge wa Jali gukomeza gukora imiganda itandukanye irimo n’iyo gutera ibiti kugira ngo birinde ko agace batuyemo gahinduka ubutayu.

Mu gusoza uyu muganda udasanzwe, urubyiruko rwa YURI rwasabwe kwirinda ibiyobyabwenge birimo urumogi n’inzoga z’inkorano kuko ari bimwe mu bibangiza bikanadindiza iterambere ry’igihugu muri rusange.

YURI ni umuryango washinzwe mu 2004 ugamije kubumbatira ubumwe bw’urubyiruko na politiki yo kwiteza imbere.

Uyu muganda witabiriwe n'urubyiruko ruturutse mu bice bitandukanye
Abakoze umuganda ntibakanzwe n'imvura yazindutse igwa
Umuganda wakorewe mu ishyamba rya Leta riri i Jali ufite agaciro ka miliyoni zirindwi
Ni umuganda witabiriwe n'abayobozi mu nzego zitandukanye
Meya w'Akarere ka Gasabo, Rwamurangwa Stephen, ageza ijambo ku bakoze umuganda
Nyuma y'umuganda bacinye akadiho
Umuyobozi Mukuru wa YURI, Rwamushana Dominic yavuze ko uyu muganda uzafasha mu kurushaho kwesa imihigo igihugu cyihaye yo kubungabunga ibidukikije

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved