Kwamamaza

Gasabo : Afunzwe azira kwihindura umugore ngo ateretwe n’abagabo bagenzi be

Yanditswe kuya 25-10-2016 saa 15:44' na Thamimu Hakizimana


Umusore witwa Irabizi uvuka mu Murenge wa Burega mu Karere ka Rulindo wajyaga wiyambika imyenda y’abagore kugira ngo abagabo batamuzi bamuterete, yatawe muri yombi n’inzego zishinzwe umutekano zo mu Kagari ka Gasanze ho mu Murenge wa Nduba mu Karere ka Gasabo.

Amakuru agera kuri IGIHE avuga ko uyu Irabizi w’imyaka 20, yafashwe ku mugoroba w’ejo ku wa Mbere tariki ya 24 Ukwakira 2016, nyuma y’uko abaturage bamuvumburiye ko yiyambika imyenda y’abagore kugira ngo abagabo bagenzi be bamuterete banamugurire inzoga n’ibindi.

Umunyamabanga Nshingwabikorwa w’Umurenge wa Gasanze, Habimana Bonaventure, yemereye IGIHE ko uyu musore yatawe muri yombi nyuma yo gushinjwa ubutekamutwe butandukanye n’abaturage.

Yagize ati “ Twabimenye muri iri joro ryacyeye, ubundi yigiraga umugore noneho kuko afite n’ijwi ryabo byatumaga n’abagabo bamutereta kubera ko bari bazi ko ari umukobwa bitewe n’uko yahoraga yambaye imyenda y’abagore yishyize n’ibintu mu mabere.”

Yongeyeho ko n’abagabo batandukanye bateretaga uyu musore Irabizi baje kumenya ko atari umukobwa batinye kubivuga kubera kugira isoni.

Yakomeje avuga ko uyu musore Irabizi uretse kwigira umukobwa anashinjwa icyaha cy’ubujura kuko hari n’ubwo yategeraga abantu mu nzira akabambura telefoni zabo.

Kugeza ubu uyu Irabizi i akaba afungiye kuri Sitasiyo ya Polisi yo mu Murenge wa Nduba.

Aramutse ahamwe n’icyaha cyo kwambura ikintu cy’undi akoresheje amayeri akaba yahanishwa igifungo cyo kuva ku myaka itatu kugeza kuri itanu n’ihazabu y’amafaranga y’u Rwanda kuva kuri miliyoni eshatu kugeza kuri eshanu nk’uko biteganywa n’ingingo ya 318 y’igitabo cy’amategeko ahana ibyaha mu Rwanda

Irabizi wiyambikaga imyenda y'abagore ashaka ko abagabo bamutereta yatawe muri yombi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved