Gatsibo : Abantu umunani batawe muri yombi bazira inzoga ya ’Chief warage’

Yanditswe na
Kuya 20 Werurwe 2017 saa 07:45
Yasuwe :
0 0

Polisi y’u Rwanda mu Karere ka Gatsibo, kuuwa 19 Werurwe 2017, yafatiye mu tubare umunani two mu murenge wa Kabarore amasashe ya Zebra Warage asaga 200, ita muri yombi abantu umunani bacuruzaga izo nzoga.

Akarere ka Gatsibo kari mu hakunze gufatirwa ibiyobyabwenge by’amoko atandukanye kubera ko gahana imbibi na bimwe mu bihugu bibivanwamo; bikinjizwa mu Rwanda rwihishwa.

Umuyobozi wa Polisi y’u Rwanda muri aka karere, SP Eric M. Kabera, yavuze ko ibyinshi mu biyobyabwenge byinjizwa muri Gatsibo bifatwa biturutse ku makuru atangwa n’abaturage bazi ingaruka zo kubyishoramo, kandi biyemeje gutanga umusanzu mu kurwanya ikoreshwa n’icuruzwa ryabyo.

Yashimye abaturage batanze amakuru yatumye ayo masashe ya Zebra Warage afatwa; kandi aboneraho gusaba abatuye aka karere muri rusange kwirinda ibyaha aho biva bikagera; no kugira uruhare mu kubikumira no kubirwanya bakora neza amarondo, kandi batangira amakuru ku gihe atuma hakumirwa icyo ari cyo cyose gishobora guhungabanya umutekano.

SP Kabera yagiriye inama abishora mu biyobyabwenge kubicikaho agira ati,"Nta cyiza cyabyo. ababyinjiza mu gihugu n’ababicuruza barasabwa kubireka. Abazakomeza kubikora bamenye ko isaha iyo ari yo yose bazafatwa babiryozwe ."

Aba umunani bafatiwe mu karere ka Gatsibo biyongera k’uwundi wafatiwe mu Karere ka Gakenke kuwa 18 Werurwe afite ibiro bitanu by’urumogi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza