Kwamamaza

Gatsibo:Urubohero rwagejeje abagore kuri byinshi

Yanditswe kuya 15-10-2016 saa 17:13' na Emma-Marie Umurerwa


Abagore bo mu Murenge wa Gasange mu Karere ka Gatsibo, bavuga ko bungukira byinshi mu Rubohero birimo ubukorikori bubafasha kwiteza imbere, bakanahana ubunararibonye bubafasha kubaka neza ingo zabo.

Abagore batishoboye bahuriye mu cyo bise ’Urubohero’ bahurijwemo n’Umuryango w’Abataliyani witwa AVSI, usanzwe ufasha abana babo mu mashuri, bavuga ko bahigiye byinshi.

Bavuga ko mu Rubohero bahigira umuco, guhindura imitekerereze, kujya inama, gukunda umurimo, isuku yo ku mubiri, ku myambaro n’iyo mu rugo hamwe no gufata neza abagabo.

Mukagafurama Marisiyana w’imyaka 74, umwe mu bagore bo muri uru rubohero, yagize ati “Mu Rubohero nganira n’abandi nkabagira inama z’ibyo hambere, umugore uje atazi gufata neza umugabo turamuhugura.”

Mukakibibi Emertha na we ati “Ubundi abagore bifataga nabi, ugasanga umugore araranye imyenda yiriranwe, ariko ubu umuntu arahingana umwenda yahingura akawukuramo akambara undi. Bimwe umugore yakunyuragaho ukumva anuka twarabiciye mu rubohero. Nta mugore ukwiye kwirirwa ahinga ngo aze kujya mu buriri atoze.”

Abagabo b’aba bagore na bo batanga ubuhamya bw’ibyo aha hantu bamariye abagore babo.

Umwe muri bo avuga ko yabonye impinduka mu rugo rwe aho umugore we agiriye mu rubohero.

Yagize ati “Umugore wanjye yari uwo mu rugo agakora imirimo yo mu rugo gusa. Kuva aho agiriye mu Rubohero, asigaye anyakira neza. Birashoboka ko babaha amahugurwa ahagije.”

Mukakimenyi Petronille, Umuyobozi w’Inama y’Igihugu y’Abagore mu Kagari ka Tera, yemeza ko urubohero rw’abagore rwazanye impinduka.

Yagize ati “Mbere wabonaga umuntu mwicaranye ukabona aratikura inda, ubu ntabikibaho. Abagore b’i Gasange turakaraba tugacya.”

Albert Bigirimana, Umuyobozi w’Umushinga Akazi Kanoze hamwe n’Ibijyanye n’Itumanaho muri AVSI, yatangarije IGIHE ko hari impinduka zigaragagara ku bagore bari mu rubohero.

Yagize ati “Mbere y’uko baza mu Rubohero, isuku yabo yari hasi cyane, bicaraga hasi batazi kwiyitaho. Twabigishije ko n’iyo utabona amafaranga yo kugura intebe, ushobora kuboha ikirago cyo kwicaraho.”

Akomeza avuga ko guhera mu mwaka wa 2014, abagore basaga 70 bajya mu rubohero bigishijwe gukora ubukorikori butandukanye bagurisha bagakuramo amafaranga yo kwikenura, no gukora ibindi bitandukanye.

Bahigira no kudodesha imashini
Bimwe mu byo bahabohera
Mukagafurama avuga ko bigira byinshi mu Rubohero

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved