Hafunguwe urubuga Abanyarwanda bazajya bashakiraho amakuru y’ibigo na minisiteri

Yanditswe na Claude
Kuya 11 Gashyantare 2015 saa 04:52
Yasuwe :
0 0

Urubuga rwa internet rushya ruzajya rufasha abanyarwanda mu kubona amakuru y’ibigo bitanduukanye rwafunguwe kuri uyu wa Gatatu tariki 11 Gashyantare 2015.
Uru rubuga Sobanukirwa.rw rwitezweho gufasha abaturage koroherwa no kumenya amakuru bakeneye muri minisiteri zitandukanye, ibigo bya Leta n’iby’abikorera mu Rwanda nturere n’ibindi.
Mu muhango wo gutangiza sobanukirwa.rw hagaragajwe ko uwo ari we wese ukoresha internet ashobora gusura uru rubuga akabona amahirwe yo gusobanuza bimwe atumva (...)

Urubuga rwa internet rushya ruzajya rufasha abanyarwanda mu kubona amakuru y’ibigo bitanduukanye rwafunguwe kuri uyu wa Gatatu tariki 11 Gashyantare 2015.

Uru rubuga Sobanukirwa.rw rwitezweho gufasha abaturage koroherwa no kumenya amakuru bakeneye muri minisiteri zitandukanye, ibigo bya Leta n’iby’abikorera mu Rwanda nturere n’ibindi.

Mu muhango wo gutangiza sobanukirwa.rw hagaragajwe ko uwo ari we wese ukoresha internet ashobora gusura uru rubuga akabona amahirwe yo gusobanuza bimwe atumva ku kigo, akarere cyangwa minisiteri runaka.

Byiteze ko uru rubuga rushobora gusurwa hifashishijwe mudasobwa cyangwa telefoni ikoresha interineti, ukeneye amakuru yose akabona ashoboka arebana n’inzego zitandukanye.

Mu gufasha buri wese ubyifuza kugera ku makuru y’inzego za Leta, sobanukirwa.rw, ikusanya amakuru yose ashobora gukenerwa mu bigo runaka n’ay’abayobozi baboneka kuri internet kugira ngo uyakeneye ayabone bitamugoye.

Hari n’ubundi buryo bwo gukurikira uru rubuga ukajya ubona amakuru agezweho muri E-mail igihe cyose hari amakuru ashyizwe hanze.

Uru rubuga rwashyizwe mu ndimi eshatu ari zo Icyogereza, Igifaransa n’Ikinyarwanda, zose zikaba zisuriwa ku buntu. Bivugwa ko uru rubuga rushimangira itegeko ryo mu mwaka wa 2013 rigaragaza agaciro ko korohereza rubanda n’abanyamakuru kubona amakuru ku gihe.

Bivugwa kandi ko uru rubuga ari umushinga wa Sosiyete sivile wahanzwe ku bufatanye bw’umuryango uharanira iterambere rirambye (ODESUDI) n’Ikigo cy’Ikoranabuhanga, Tumenye.

Kuri ubu Tumenye na ODESUDI birimo kuganira n’Urwego rw’Umuvunnyi, abakuriye Guverinoma y’u Rwanda, n’abandi bafatanyabikorwa ku buryo bafatanya mu guteza imbere uru rubuga.

Umuyobozi wa Tumenye yagize ati “Ikoranabuhanga, imiyoborere myiza ndetse n’ubutabera ni inkingi za mwamba z’iterambere ry’u Rwanda. Sobanukirwa ni igikoresho gikomeye cyane kizateza imbere ibi byose, gifasha abaturage kubona amakuru mu buryo bwihuse ku birimo kuba mu gihugu.”

Fredrick Hendrick Karanganwa ukuriye gahunda mu muryango ODESUDI uharanira guteza imbere, demokarasi n’imiyoborere myiza binyuze ahanini mu kubona amakuru, yagize ati “Kubona amakuru si iherezo ubwabyo, ariko ni inzira nziza yo kugera ku bundi burenganzira. Imiyoborere myiza, ubwisanzure bw’abaturage batagezwaho amakuru ni nk’inzozi.”


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza